నూతన ఈవీ వాహనాల షోరూంను ప్రారంభించిన ఎమ్మెల్యే మాణిక్ రావు

జహీరాబాద్ ; జహీరాబాద్ పట్టణంలో నూతనంగా ఏర్పాటు చేసిన *ఈడీఈఎన్ శుభమ్ ఈవీ  వాహనాల షోరూంను జహీరాబాద్ నియోజకవర్గ ఎమ్మెల్యే కొనింటి మాణిక్ రావు ప్రారంభించారు.ఈ కార్యక్రమంలో మాజీ డీసీఎంఎస్ చైర్మన్ శివకుమార్, జహీరాబాద్ మండల బీఆర్ఎస్ పార్టీ అధ్యక్షుడు తట్టు నారాయణ, ఝరాసంగం మండల పార్టీ అధ్యక్షుడు వెంకటేశం, మాజీ ఆలయ చైర్మన్ నరసింహ గౌడ్, కాంగ్రెస్ పార్టీ సీనియర్ నాయకులు ఉజ్వల్ రెడ్డి, శుభమ్ ఈవీ చైర్మన్ శ్రీనివాస్ రెడ్డి, ఎండీ రవికుమార్ తదితరులు పాల్గొన్నారు.ఈ సందర్భంగా ఎమ్మెల్యే మాణిక్ రావు మాట్లాడుతూ, ఆధునిక కాలంలో ఎలక్ట్రిక్ వాహనాల వినియోగానికి రోజురోజుకూ ప్రాధాన్యత పెరుగుతోందన్నారు. పెరుగుతున్న పెట్రోల్, డీజిల్ ధరలు, వాహనాల నుంచి వెలువడే కాలుష్యాన్ని దృష్టిలో ఉంచుకొని ప్రజలు ఎలక్ట్రిక్ వాహనాల వినియోగంపై ఆసక్తి చూపాలని సూచించారు.ఈవీ వాహనాల వినియోగం వల్ల ఇంధన ఖర్చులు తగ్గడంతో పాటు నిర్వహణ వ్యయం కూడా తక్కువగా ఉంటుందని తెలిపారు. పర్యావరణ పరిరక్షణకు, కాలుష్య నివారణకు ఎలక్ట్రిక్ వాహనాలు ఎంతగానో దోహదపడతాయని పేర్కొన్నారు. ఈ వాహనాల ప్రయోజనాలపై ప్రజలకు విస్తృతంగా అవగాహన కల్పించాలని షోరూం నిర్వాహకులు గోపాల్, మచ్చేందర్, మనోహర్‌లకు సూచించారు.