మహిళా అంతర్ కళాశాలల టోర్నమెంట్ ప్రారంభం

ఎడ్యుకేషన్ స్టాఫ్ రిపోర్టర్ : ఎస్వీయూ మహిళా అంతర్ కళాశాలల క్రీడా టోర్నమెంట్ ను వీసీ టాటా నర్సింగరావు ప్రారంభించారు. మంగళవారం ఎస్వీయూ స్టేడియంలో ప్రారంభమైన ఈ టోర్నమెంట్ కు ఎస్వీయూ పరిధిలోని సుమారు 25 కళాశాలల క్రీడాకారిణులు పాల్గొన్నారు. అనంతరం జరిగిన బాస్కెట్ బాల్ పోటీలలో ఎస్వీయూ కాలేజ్ ఆఫ్ ఇంజనీరింగ్ విద్యార్థినులు అత్యత్తమ ప్రతిభ కనబరచి విజేతలుగా నిలిచారు. వాలీబాల్, ఖోఖో క్రీడలలో పద్మావతి డిగ్రీ అండ్ పీజీ కళాశాల విద్యార్థులు విజేతలుగా నిలవగా, బాల్ బ్యాడ్మింటన్ పోటీలలో శ్రీకాళహస్తి ప్రభుత్వ మహిళా డిగ్రీ కళాశాల క్రీడాకారిణులు ప్రథమ స్థానం కైవసం చేసుకున్నారు. అనంతరం ఎస్వీయూ రెక్టార్ చెండ్రాయుడు, ఫిజికల్ ఎడ్యుకేషన్ డైరెక్టర్ ప్రొఫెసర్ ఎం శివశంకర్ రెడ్డి విజేతలకు ట్రోఫీలను, ప్రశంసాపత్రాలను అందజేశారు. ఈ కార్యక్రమంలో ప్రిన్సిపల్ భాస్కర్ రెడ్డి, క్రీడాకారులు, పాల్గొన్నారు.

సీఎం గౌడ్ తిరుపతి స్టాప్ రిపోర్టర్