పలాస కాశీబుగ్గ మున్సిపల్ కౌన్సిలర్ పద్మావతికి ఘన సన్మానం

బీజేపీ రాష్ట్ర అధ్యక్షులు పీవీఎన్ మాధవ్ చేతుల మీదుగా సత్కారం.

పలాస,నవంబర్ 10, మేజర్ న్యూస్.

పలాస-కాశీబుగ్గ మున్సిపాలిటీ 9వ వార్డు కౌన్సిలర్ పాలవలస పద్మావతి కు బీజేపీ రాష్ట్ర అధ్యక్షులు పీవీఎన్ మాధవ్ ఘనంగా సన్మానించారు.విశాఖపట్నంలో గల పీవీఎన్ మాధవ్ కార్యాలయంలో మంగళవారం మర్యాదపూర్వకంగా కలిసిన ఈ సమావేశంలో సన్మాన కార్యక్రమం జరిగింది.

జిల్లాలోనే తొలి బీజేపీ విజయం.

శ్రీకాకుళం జిల్లాలోని పలాస-కాశీబుగ్గ మున్సిపాలిటీ 9వ వార్డులో బీజేపీ అభ్యర్థిగా మొట్టమొదట విజయం సాధించిన ఘనత పాలవలస పద్మావతి దే.ఆమె భర్త,శ్రీకాకుళం జిల్లా భారతీయ జనతా పార్టీ ఉపాధ్యక్షులు పాలవలస వైకుంఠ రావు తో కలిసి మాధవ్ ను కలిశారు.ఈ సందర్భంగా రాష్ట్ర అధ్యక్షులు మాధవ్,పద్మావతి ని అభినందిస్తూ శాలువాతో సన్మానించారు.పార్టీ బలోపేతానికి కృషి చేయాలని,ప్రజా సమస్యల పరిష్కారానికి ముందుండాలని సూచించారు.ఈ సన్మాన కార్యక్రమంలో బీజేపీ శ్రీకాకుళం జిల్లా ఇంచార్జి ప్రకాష్ రెడ్డి,బీజేపీ రాష్ట్ర ఉపాధ్యక్షులు పైడి వేణుగోపాల్,భారతీయ జనతా పార్టీ కార్యవర్గ సభ్యులు బిర్లంగి ఉమామహేశ్వర రావు,జిల్లా ఉపాధ్యక్షులు పాలవలస వైకుంఠ రావు,పలాస నియోజకవర్గం పూర్వ కన్వీనర్ రామానంద స్వామిజీ,జిల్లా కార్యవర్గ సభ్యులు కంచరాన భుజంగ రావు తదితరులు పాల్గొన్నారు.