telangana
నీళ్లలో సాహసించి విద్యుత్ సరఫరాను పునరుద్ధరించిన సిబ్బంది
సూర్య,సారంగాపూర్ :::సారంగాపూర్ మండలంలోని జావులి గ్రామానికి విద్యుత్ సరఫరాలో అంతరాయం ఏర్పడటంతో విద్యుత్ సిబ్బంది సాహసోపేతంగా స్పందించి సరఫరాను పునరుద్ధరించారు.స్వర్ణ డ్యామ్‌ నీటిలో ఉన్న విద్యుత్ స్తంభంపై సాంకేతిక సమస్య తలెత్తడంతో ఏఎల్‌ఎం రవి,సిబ్బంది అరుణ్‌తో కలిసి అక్కడికి చేరుకున్నారు.ప్రమాదకర పరిస్థితులను సైతం లెక్కచేయకుండా నీటిలోకి దిగి, విద్యుత్ స్తంభం వద్ద ఏర్పడిన సమస్యను గుర్తించి మరమ్మతులు చేపట్టారు.అనంతరం జావులి గ్రామానికి విద్యుత్ సరఫరాను పునరుద్ధరించారు. ప్రజలకు విద్యుత్ అంతరాయం కలగకుండా విధి నిర్వహణలో సాహసం ప్రదర్శించిన విద్యుత్ సిబ్బంది రవి, అరుణ్‌లను, ఉన్నతాధికారులు గ్రామస్తులు అభినందించారు.
