పెద్దగెడ్డ జలాశయం నుండి నీరు విడుదల

పాచిపెంట, సూర్య : మండలంలోని పెద్ద గడ్డ జలాశయం నుండి నీటి పారుదల శాఖ అధికారులు మూడు గేట్లు ద్వారా బుధవారం 7వేల క్యూసెక్కుల నీటిని వేగవతి నదిలోకి విడుదల చేశారు. అర్నాబ్ తుఫాన్ కారణంగా రెండు రోజుల నుండి ఎడతెరిపి లేకుండా వర్షాలు కురుస్తుండడం వలన జలాశయంలోకి వరద నీరు చేరింది. జలాశయంలో నీటిమట్టం అధికంగా పెరగడంతో అప్రమత్తమైన ఇరిగేషన్ అధికారులు ముందస్తు జాగ్రత్తగా మూడు గేట్లు ద్వారా బుధవారం వరద నీటిని విడుదల చేయడం జరిగింది. వేగావతి నదిలోకి 7వేల క్యూసెక్కుల నీటిని విడుదల చేస్తున్నట్లు ఇరిగేషన్ ఎస్ ఈ .డి ఎస్. ప్రదీప్ తెలిపారు. జలాశయం పూర్తి నీటిమట్టం 2 13.8 కాగా ప్రస్తుతం తుఫాను కారణంగా వరద నీరు జలాశయంలోకి అధికంగా చేరడంతో ఒక్కసారిగా నీటిమట్టం 2 13. 10 ఉందని ప్రస్తుతం బుధవారం సాయంత్రం నాలుగు గంటలకు జలాశయంలోకి వరద నీరు పర్ సెకండ్ కి 7,580 క్యూసెక్కుల నీరు చేరుతుందని ఈ మేరకు మూడు గేట్లు ద్వారా దిగువ ప్రాంతమైన వేగావతి నదిలోకి పర్ సెకండ్ కి 7వేల క్యూసెక్కుల నీటిని విడుదల చేస్తున్నట్లు ఇరిగేషన్ అధికారులు తెలిపారు.

రిపోర్టర్ :  ప్రసాద్ రాజు, పార్వతీపురం మన్యం.