కాగాo - టెక్కలి వలస రోడ్ మధ్యలో నీటి ప్రవాహం

తెర్లాం, సూర్య  : తుఫాను కారణంగా గత రెండు రోజుల నుంచి కురుస్తున్న భారీ వర్షాలకు టెక్కలి వలస నుంచి కాగం పోవు పిఆర్ రోడ్డు మధ్యలో నీటి ప్రవాహం పొంగి ప్రవహించడంతో ప్రయాణికులు రాకపోకలు  స్తంభించాయి. ఎడతెరపలేని వర్షాలకు టెక్కలి వలస జగ్గయ్య చెరువు పొంగి ప్రవహించడంతో రోడ్డు మధ్యగుండా నీరు పారడంతో ప్రయాణికులు వేరే గత్యంతరం లేక తమ ప్రయాణాలను వాయిదా వేసుకున్నారు. అత్యవసర పరిస్థితుల్లో వెళ్ళవలసిన వారు పాములవలస మీదుగా పెరుమాలి ఆర్ఆర్ రోడ్డుకు వెళ్లవలసిన దుస్థితి ఏర్పడిందని ద్విచక్ర వాహనదారులు వాహన చోదకులు ఆందోళన వ్యక్తం చేశారు. ప్రకృతి వైపరీత్యం వలన కురిసే భారీ వర్షాలకు పలుచోట్ల రహదారులు పంటలు దిగ్బంధాన్నికి గురయ్యాయని రైతులు వాపోతున్నారు .మరి ఈ విపత్తును పరిగణలో తీసుకొని పంట నష్టం జరిగే ప్రాంతాలను సంబంధిత అధికారులు గుర్తించి తగిన నష్టపరిహారం వచ్చే విధంగా చూడాలని పలు  గ్రామాల రైతులు ప్రభుత్వాన్ని అధికారుల్ని కోరుతున్నారు.

రిపోర్టర్ : తిరుపతి నాయుడు,  తెర్లాం, విజయనగరం జిల్లా.