పునరావసు కేంద్రాలను సందర్శించిన టిడిపి ఇన్చార్జి విక్కుర్తి
వనిగడ్డ,మేజర్ న్యూస్: ఆర్నబ్ తుఫాన్ నేపథ్యంలో అవనిగడ్డ నియోజకవర్గంలోని పలు పునరావాస కేంద్రాలను టీడీపీ నియోజకవర్గ ఇన్చార్జి విక్కుర్తి శ్రీనివాసరావు బుధవారం సందర్శించారు. అవనిగడ్డ బాలికల ఉన్నత పాఠశాల, నాగాయలంక జెడ్పీ ఉన్నత పాఠశాలతో పాటు గుల్లలమోద, ఏటిమొగ గ్రామాల్లోని పునరావాస కేంద్రాలను పరిశీలించి, బాధితులకు అందుతున్న సదుపాయాలపై ఆరా తీశారు.
కేంద్రాల్లో ఆశ్రయం పొందుతున్న బాధిత కుటుంబాలను పరామర్శించి, వారి సమస్యలను తెలుసుకున్నారు. చిన్నారులు, వృద్ధులకు బిస్కెట్ ప్యాకెట్లు పంపిణీ చేశారు. బాధితుల కోసం సిద్ధం చేస్తున్న మధ్యాహ్న భోజనాన్ని పరిశీలించి, ఆహార పంపిణీ, ఇతర సదుపాయాలపై వివరాలు అడిగి తెలుసుకున్నారు.
తుఫాన్ ప్రభావం పూర్తిగా తగ్గేవరకు ప్రజలు అప్రమత్తంగా ఉండాలని విక్కుర్తి సూచించారు. అధికారులు ఇచ్చే సూచనలు పాటిస్తూ, పరిస్థితులు సాధారణ స్థితికి చేరుకున్న తర్వాతే ఇళ్లకు తిరిగి వెళ్లాలని బాధితులకు విజ్ఞప్తి చేశారు.
