అభివృద్ధే లక్ష్యంగా కూటమి ప్రభుత్వం ముందడుగు

పట్టణ సమగ్ర అభివృద్ధికి కూటమి అభ్యర్థులకు మద్దతు కోరిన ఎంపీ మాగుంట , ఎమ్మెల్యే అశోక్ రెడ్డి

గిద్దలూరు: పట్టణ స్థానిక సంస్థల ఎన్నికల ప్రచారంలో భాగంగా గిద్దలూరులో ఉమ్మడి జిల్లా ఎంపీ మాగుంట శ్రీనివాస రెడ్డి , ఎమ్మెల్యే ముత్తుముల అశోక్ రెడ్డి ఇంటింటికీ వెళ్లి కరపత్రాలు పంపిణీ చేస్తూ కూటమి అభ్యర్థుల తరఫున ప్రచారం నిర్వహించారు. బీజేపీ మున్సిపల్ చైర్మన్ అభ్యర్థి జె.వి. నారాయణ తో పాటు 2వ వార్డు టీడీపీ అభ్యర్థి పాలుగుల్ల శ్రీదేవి , 3వ వార్డు జెనసేన అభ్యర్థి ఉల్లపు బాల చెన్నయ్య, 27 వ వార్డు టీడీపీ అభ్యర్థి అబ్బు పద్మావతి, 28వ వార్డు జనసేన అభ్యర్థి యల్లా పద్మావతి గార్లకు మద్దతుగా ప్రచారం నిర్వహించారు. కమలం, సైకిల్, గాజు గ్లాసు గుర్తులపై ఓటు వేసి కూటమి అభ్యర్థులను గెలిపించాలని వార్డు ప్రజలను కోరారు. " ఎమ్మెల్యే మాట్లాడుతూ పరాయి ప్రాంతం నుంచి వ్యాపార నిమిత్తం వచ్చిన వారిని నమ్మవద్దు అని, గత ప్రభుత్వంలో ఒక్క అభివృద్ధి కూడా చేయలేదు అని నేడు మన ప్రభుత్వం సంక్షేమ పథకాలు అమలు చేయడం, దాదాపు పూర్తి స్థాయిలో అభివృద్ధి పనులు చేయడం జరిగింది గిద్దలూరు పట్టణాన్ని అన్ని రంగాల్లో అభివృద్ధి చేసేందుకు కూటమి అభ్యర్థులకు ప్రజలు మద్దతు తెలపాలని ఎంపీ మాగుంట శ్రీనివాస రెడ్డి గారు, ఎమ్మెల్యే ముత్తుముల అశోక్ రెడ్డి విజ్ఞప్తి చేశారు.

కార్యక్రమంలో పట్టణ ప్రముఖులు, కూటమి నాయకులు, కార్యకర్తలు, మహిళలు, అభిమానులు భారీగా పాల్గొన్నారు.