ఉద్యోగాన్ని వదిలి.. ప్రజాసేవ వైపు! ఎమ్మెల్సీ బరిలోకి యర్కల శ్రీనివాస్ గౌడ

నల్లగొండ జిల్లా కట్టంగూరుకు చెందిన యర్కల శ్రీనివాస్ గౌడ్ ప్రభుత్వ ఉద్యోగానికి రాజీనామా చేసి, ఉమ్మడి ఖమ్మం–వరంగల్–నల్లగొండ జిల్లాల పట్టభద్రుల ఎమ్మెల్సీగా పోటీ చేయాలని నిర్ణయించుకున్నారు. మరో పదేళ్ల సర్వీసు ఉన్నప్పటికీ ప్రజాసేవ లక్ష్యంగా రాజకీయాల్లోకి అడుగుపెడుతున్నారు. ఉపాధ్యాయుడిగా, అటవీశాఖలో వివిధ హోదాల్లో పనిచేసిన ఆయనకు ప్రభుత్వ వ్యవస్థపై అనుభవం ఉంది. ఉద్యోగులు, నిరుద్యోగులు, పట్టభద్రులు, పెన్షనర్లు, కార్మికుల సమస్యల పరిష్కారానికి కృషి చేస్తానని తెలిపారు. పట్టభద్రులు తనకు మద్దతు ఇవ్వాలని ఆయన కోరారు.