telangana
రక్తదానం ప్రాణదానంతో సమానం... మంగ్రాస్పల్లి సర్పంచ్ స్వప్న రమేష్
బంట్వారం, మేజర్ న్యూస్: రక్తదానం ప్రాణదానంతో సమానమని బంట్వారం మండలం మంగ్రాస్ పల్లి గ్రామ సర్పంచ్ స్వప్న రమేష్ పేర్కొన్నారు. బుధవారం వికారాబాద్ పట్టణంలో జిల్లా పోలీసు శాఖ ఆధ్వర్యంలో నిర్వహించిన రక్తదాన శిబిరంలో రక్తం దానం చేశారు. ఈ సందర్భంగా ఆమె మాట్లాడుతూ ఆపదలో ఉన్న రోగులకు రక్తం ఎంతో అవసరమని, సమాజ సేవలో భాగంగా రక్తదానం చేయడం సంతోషంగా ఉందన్నారు. రక్తదానంపై ప్రజల్లో అవగాహన పెంచేందుకు ప్రతి ఒక్కరు ముందుకు రావాలని పిలుపునిచ్చారు.
