సరళ మైసమ్మ దేవాలయ వివాదంపై సంయుక్త విచారణ

సంస్థాన్ నారాయణపురం మేజర్ న్యూస్: మండల పరిధిలోని రాచకొండ రెవెన్యూ పరిధిలో ఉన్న సరళ మైసమ్మ దేవాలయ కమిటీ వివాదంపై దేవాదాయ, రెవెన్యూ శాఖల అధికారులు బుధవారం సంయుక్త విచారణ చేపట్టారు. వివాదం శాంతిభద్రతల సమస్యగా మారడంతో దేవాలయాన్ని దేవాదాయ శాఖ పరిధిలోకి తీసుకురావాలని పోలీసులు ప్రభుత్వానికి సిఫారసు చేసినట్లు తెలిసింది.

నల్లగొండ దేవాదాయ శాఖ అసిస్టెంట్ కమిషనర్ బృందం, చౌటుప్పల్ ఆర్డీవో ఇరు వర్గాల వాదనలు విన్నారు. దేవాలయంలో హుండీల ఏర్పాటు, భక్తుల నుంచి డబ్బుల వసూలు, ప్రభుత్వ భూమిలో నిర్మాణం తదితర అంశాలను పరిశీలించారు. విచారణ నివేదికను జిల్లా కలెక్టర్, దేవాదాయ శాఖ కమిషనర్‌కు అందజేస్తామని అధికారులు తెలిపారు. దేవాలయం ఉన్న ప్రాంతాన్ని అల్లాపురంగా పేర్కొనడంపై వచ్చిన అభ్యంతరాలనూ ఉన్నతాధికారుల దృష్టికి తీసుకెళ్తామన్నారు. చౌటుప్పల్ డీఎస్పీ మధుసూదన్‌రెడ్డి ఆధ్వర్యంలో భారీ బందోబస్తు ఏర్పాటు చేశారు. వారి  వెంట నారాయణపురం మండల దేవాదాయ శాఖ ఈవో వెంకటరెడ్డి, డిప్యూటీ తహసీల్దార్ మమత, ఆర్ ఐ పాండు, చౌటుప్పల్ రూరల్, టౌన్ సీఐలు మన్మధ కుమార్, సతీష్ రెడ్డి, స్థానిక ఎస్‌ఐ సీత పాండు తదితరులు పాల్గొన్నారు