అక్క ఓటుతో ఆశీర్వదించండి... -53వ డివిజన్లో శంకర యాదవ్ విస్తృత ప్రచారం

ఎడ్యుకేషన్ స్టాఫ్ రిపోర్టర్ : ఎన్డీఏ కూటమి కార్పొరేటర్ అభ్యర్థిగా పోటీ చేస్తున్న తనకు ఓటు వేసి ఆశీర్వదించాలని 53వ డివిజన్ కార్పొరేటర్ అభ్యర్థి శంకర్ యాదవ్ విజ్ఞప్తి చేశారు. స్థానిక సంస్థల ఎన్నికల ప్రచారంలో భాగంగా బుధవారం శివ జ్యోతి నగర్ ప్రాంతంలో విస్తృత ప్రచారం నిర్వహించారు. ప్రతి ఇంటికి వెళ్లి అక్క నేను మీ తమ్ముడు లాంటివాడిని రానున్న మున్సిపల్ కార్పొరేషన్ ఎన్నికలలో తనకు ఓటు వేసి గెలిపించి ఆశీర్వదించాలని అభ్యర్థించారు. ఈ సందర్భంగా ఓటర్లు తప్పకుండా అభివృద్ధికి పట్టం కడతామని, గెలుపు నీదే తమ్ముడు అంటూ ఆశీర్వదించారు. ప్రతి ఇంటికి వెళ్లి ప్రజలతో మమేకమై వారి సమస్యలు అడిగి తెలుసుకున్నారు. నవంబర్ ఒకటో తేదీ జరిగే మున్సిపల్ కార్పొరేషన్ ఎన్నికలలో ఎన్డీఏ కూటమి మేయర్ అభ్యర్థిగా పోటీ చేస్తున్న జేబీ శ్రీనివాస్ కు కార్పొరేటర్ అభ్యర్థిగా పోటీ చేస్తున్న తనకు సైకిల్ గుర్తుపై ఓటు వేసి భారీ మెజారిటీతో గెలిపించాలని విజ్ఞప్తి చేశారు. ఏ సమస్య అయినా సరే తన దృష్టికి తీసుకువచ్చిన వెంటనే అధికారులు దృష్టికి తీసుకెళ్లి వాటిని పరిష్కరించేందుకు కృషి చేస్తానని హామీ ఇచ్చారు. ఈ కార్యక్రమంలో కుటమి నాయకులు సుజాత, కిరణ్, సుబ్బు, రమేష్, జనసేన వార్డు ఇన్చార్జి కిరణ్ చౌదరి, దినేష్, ప్రవీణ్ యువరాజ్, తులసి, మహిళలు పాల్గొన్నారు. 

సీఎం గౌడ్ తిరుపతి స్టాప్ రిపోర్టర్