దివిస్ ఆధ్వర్యంలో విద్యార్థులకు వైద్య శిబిరం,నోట్ బుక్స్ పంపిణీ

.

*రామన్నపేట, మేజర్ న్యూస్*

*గ్రామ ప్రభుత్వ పాఠశాలల్లో విద్యాభివృద్ధికి "దివిస్ లేబొరేటరీస్ లిమిటెడ్"  అందజేసిన సామాగ్రిని విద్యార్థులు సద్వినియోగం చేసుకోవాలని, గ్రామ సర్పంచ్ ఈడెంరాధా శ్రీనివాస్ సూచించారు.బుధవారం  మండలంలోని వెల్లంకి జిల్లాపరిషత్ ప్రభుత్వ పాఠశాలలో విద్యార్థులకు 'దివిస్' కంపెనీ సమకూర్చిన రూ. 2,27,766 విలువ గల నోటు పుస్తకాలను, గ్రామ సర్పంచ్ ఇడెం రాధా శ్రీనివాస్ చేతుల మీదుగా విద్యార్థులకు పంపిణీ చేశారు. విద్యార్థుల కోసం దివిస్ లాబొరేటరీస్ ఆధ్వర్యంలో ఉచిత వైద్య శిబిరం కంటి పరీక్షల నిర్వహించారు. డాక్టర్ నరేష్, సరోజ ఆధ్వర్యంలో విద్యార్థులకు ఆరోగ్య పరీక్షలు చేసి, అవసరమైన మందులు, బాలలకు టానిక్లను సర్పంచ్, ఇడెంరధ శ్రీనివాస్ అందజేశారు.ఈ కార్యక్రమంలో పాఠశాల నిర్వాహకులు ఎస్. లింగయ్య , ప్రధానోపాధ్యాయులు బి. సురేందర్ రెడ్డి, వి. మోహన్ రెడ్డి, ఉపాధ్యాయులు, దివీస్ కంపెనీ ప్రతినిధులు బి.గోపి,బి.వెంకటేష్ తదితరులు పాల్గొన్నారు*