బాలికల భద్రతపై అవగాహన సదస్సు*
*
*చౌటుప్పల్‌, మేజర్ న్యూస్:* మండలంలోని పంతంగి జిల్లా పరిషత్‌ ఉన్నత పాఠశాల, అంగన్‌వాడీ కేంద్రంలో మహిళా శిశు సంక్షేమ శాఖ, మహిళా సాధికారత కేంద్రం, జస్ట్‌ రైట్స్‌ స్కోప్‌ సంస్థ ఆధ్వర్యంలో అవగాహన సదస్సు నిర్వహించారు. బాలికల విద్య, ఆరోగ్యం, భద్రత, బాల్యవివాహాలు, మానవ అక్రమ రవాణా, బాల కార్మిక వ్యవస్థ, పోక్సో చట్టం, మాదకద్రవ్యాల దుష్ప్రభావాలు, అత్యవసర సహాయ నంబర్లపై అవగాహన కల్పించారు. బాలికలకు సమాన అవకాశాలు, సురక్షిత వాతావరణం కల్పించేందుకు సమాజమంతా కృషి చేయాలని నిర్వాహకులు పిలుపునిచ్చారు. విద్యార్థులు, ఉపాధ్యాయులతో ప్రతిజ్ఞ చేయించి, టోల్‌ఫ్రీ నంబర్ల గోడపత్రాన్ని ఆవిష్కరించారు. కార్యక్రమంలో మహిళా సాధికారత కేంద్రం ప్రతినిధి భార్గవి, అంగన్‌వాడీ సూపర్‌వైజర్‌ ఉపేంద్ర, పాఠశాల ప్రధానోపాధ్యాయుడు ఎస్‌.సత్యనారాయణ, స్కోప్‌ మండల సమన్వయకర్త బి.నరసింహరాజు, ఉపాధ్యాయులు, అంగన్‌వాడీ కార్యకర్తలు, విద్యార్థులు పాల్గొన్నారు.
