సెంట్రలైజ్డ్ కిచెన్ విధానాన్ని రద్దు చేయాలి* *ఏఐటీయూసీ*

*భువనగిరి ప్రతినిధి మేజర్ న్యూస్*

*మధ్యాహ్న భోజన పథకంలో సెంట్రలైజ్డ్ కిచెన్ విధానాన్ని రద్దు చేసి, పాత పద్ధతిలోనే పాఠశాలల్లో వంటలు నిర్వహించేలా చర్యలు తీసుకోవాలని ఏఐటీయూసీ జిల్లా అధ్యక్షులు బోలగాని సత్యనారాయణ, జిల్లా ప్రధాన కార్యదర్శి ఎండీ ఇమ్రాన్ ప్రభుత్వాన్ని డిమాండ్ చేశారు.
 బుధవారం ఏఐటీయూసీ రాష్ట్ర కమిటీ పిలుపుమేరకు సెంట్రలైజ్డ్ కిచెన్ విధానాన్ని రద్దు చేయాలని భువనగిరి ఎమ్మెల్యే క్యాంపు  కార్యాలయంలో వినతి పత్రం సమర్పించడానికి వెళ్లగా అక్కడ ఎమ్మెల్యే మరియు పిఏ   అందుబాటులో లేకపోవడంతో స్వీపర్ కు వినతి పత్రం సమర్పించి నిరసన తెలుపడం జరిగింది. ఈ సందర్భంగా సత్యనారాయణ ఇమ్రాన్ మాట్లాడుతూ 2023–24 సంవత్సరాలకు సంబంధించిన 9 నెలల పెండింగ్ బిల్లులను వెంటనే విడుదల చేయాలని,  పెండింగ్ బిల్లులను జిల్లాల వారీగా విడుదల చేయడంతో పాటు, వంట కార్మికులకు ఎన్నికల సందర్భంగా  ప్రకటించిన రూ.10,000 గౌరవ వేతనాన్ని అమలు చేయాలని, వంట కార్మికులకు కోడి గుడ్లు, గ్యాస్, నిత్యావసర వస్తువులను ప్రభుత్వమే సరఫరా చేయాలని, అలాగే వంట కార్మికులకు ప్రభుత్వ గుర్తింపు కార్డులు ఇవ్వాలని, గతంలో అల్లాహారం చేసిన బిల్లులు, పారితోషిక బకాయిలను చెల్లించాలని, ప్రధాన బీమా పథకాన్ని అమలు చేయాలని, కార్మికులను రాజకీయ కారణాలతో తొలగించకుండా చర్యలు తీసుకోవాలని, ప్రతి విద్యార్థికి మెస్ ఛార్జీ రూ.25 చెల్లించాలని డిమాండ్ చేశారు.
ఈ కార్యక్రమంలో ఏఐటీయూసీ జిల్లా కోశాధికారి సామల శోభన్ బాబు, మధ్యాహ్న భోజనం పథకం జిల్లా ప్రధాన కార్యదర్శి ముంతాజ్ బేగం, నాయకులు సామల పద్మ, మహేశ్వరి, అరుణ, లలిత,  నిర్మల, వీరస్వామి, పుష్ప, అండాలు పాల్గొన్నారు*