telangana
అంగన్‌వాడీ కేంద్రానికి కొత్త కళ!*
*
*గ్రామ పంచాయతీ నిధులతో మరమ్మతులు.. ప్రారంభించిన సర్పంచ్‌*
*చౌటుప్పల్, మేజర్ న్యూస్:*
మండలంలోని దండు మల్కాపురం గ్రామంలో దెబ్బతిన్న అంగన్‌వాడీ కేంద్రానికి గ్రామ పంచాయతీ నిధులతో చేపట్టిన మరమ్మతులు, పునరుద్ధరణ పనులు పూర్తయ్యాయి. బుధవారం పునరుద్ధరించిన కేంద్రాన్ని గ్రామ సర్పంచ్‌ గిర్కటి నిరంజన్‌ గౌడ్‌ ప్రారంభించారు. చిన్నారులకు మెరుగైన వాతావరణంలో అంగన్‌వాడీ సేవలు అందించాలనే ఉద్దేశంతో ఈ పనులు చేపట్టినట్లు తెలిపారు. కార్యక్రమంలో వార్డు సభ్యులు సుంకరి విజయ్‌కుమార్‌ గౌడ్‌, పొట్లపల్లి శివశంకర్‌ గౌడ్‌, సంగెం రవితేజ, ఒంటెడు రాజు, కొత్త మహేష్‌ యాదవ్‌ పాల్గొన్నారు.
