సమస్యలు లేని డివిజన్ గా మారుస్తా.. -63వ డివిజన్ కార్పొరేటర్ అభ్యర్థి పుష్పవతి హామీ

మున్సిపల్ కార్పొరేషన్ ఎన్నికలలో కార్పొరేటర్ అభ్యర్థిగా పోటీ చేస్తున్న తనను గెలిపిస్తే

సమస్యలు లేని డివిజన్ గా మార్చి చూపిస్తానని 63వ డివిజన్ కార్పొరేటర్ అభ్యర్థి పుష్పవతి హామీ ఇచ్చారు. ఎన్నికల ప్రచారంలో భాగంగా బుధవారం డివిజన్ పరిధిలోని పలు కాలనీలలో స్థానిక నాయకులతో విస్తృతంగా ప్రచారం నిర్వహించారు. ఈ సందర్భంగా ఆమె ప్రతి ఇంటికి వెళ్లి నేరుగా ఓటర్లతో మాట్లాడి సమస్య ఏదైనా ఉంటే తన దృష్టికి తీసుకురండి వెంటనే పరిష్కరిస్తానని హామీ ఇచ్చారు. ముఖ్యంగా త్రాగునీరు డ్రైనేజీ సమస్యను గెలిచిన వెంటనే పరిష్కరిస్తానని తెలిపారు. నిత్యం ప్రజలకు అందుబాటులో ఉంటూ దగ్గరుండి సమస్యలను పరిష్కరించే బాధ్యత తీసుకుంటామని భరోసా ఇచ్చారు. మున్సిపల్ కార్పొరేషన్ ఎన్నికలలో ఎన్డీఏ కూటమి మేయర్ అభ్యర్థిగా పోటీ చేస్తున్న జేబీ శ్రీనివాస్ కు సైకిల్ గుర్తుకు ఓటు వేసి, తనకు గాజు గ్లాసు గుర్తుపై ఓటు వేసి అఖండ మెజార్టీతో గెలిపించాలని విజ్ఞప్తి చేశారు. కూటమి నాయకులు శ్రీనివాస్ యాదవ్, గంట సుబ్బు, భువన్ చంద్ర, లక్ష్మీ శివ శశిరేఖ పవన్, దేవి, జానకిరామ్ రెడ్డి, కృష్ణారెడ్డి, మార్కెట్ మణి, రాజేశ్వరి, స్థానిక మహిళలు పెద్ద సంఖ్యలో పాల్గొన్నారు.

సీఎం గౌడ్ తిరుపతి స్టాఫ్ రిపోర్టర్