ముందస్తు చర్యలు – ప్రతి ఇంటికీ ఇంకుడు గుంత నిర్మాణమే లక్ష్యం... మున్సిపల్ కమిషనర్ రవీందర్ రెడ్డి
హాలియా మేజర్ న్యూస్.
ప్రకృతి వనరుల పరిరక్షణ, భూగర్భ జలాల పెంపు, భవిష్యత్తులో తలెత్తే నీటి ఎద్దడి సమస్యలను నివారించడమే లక్ష్యంగా హాలియా పురపాలక సంఘం ప్రత్యేక కార్యాచరణకు శ్రీకారం చుట్టింది, ఎల్‌నినో ప్రభావంతో రానున్న రోజుల్లో వర్షపాతం, నీటి లభ్యతలో మార్పులు చోటుచేసుకునే అవకాశాలను దృష్టిలో ఉంచుకొని, ప్రజలు ముందస్తు జాగ్రత్తలు తీసుకోవాలని హాలియా మున్సిపల్ కమిషనర్ కె. రవీందర్ రెడ్డి సూచిస్తున్నారు, ప్రతి ఇంటిలో ఇంకుడు గుంత నిర్మించుకోవడం ద్వారా వర్షపు నీటిని భూమిలోకి ఇంకింపజేసి భూగర్భ జలాలను పెంపొందించుకోవచ్చని ప్రజలకు విస్తృతంగా అవగాహన కల్పిస్తున్నారు,
ప్రతి ఇంటికీ ఇంకుడు గుంత భూగర్భ జలాల పెంపునకు బాట
భవిష్యత్తులో నీటి సమస్యలు తీవ్రతరం కాకుండా ఉండాలంటే ప్రతి ఇంటి యజమాని బాధ్యతగా ఇంకుడు గుంతను నిర్మించుకోవాలని పిలుపునిస్తున్నారు, వ్యక్తిగత ఇళ్లలో ఇంకుడు గుంతల నిర్మాణం చేపట్టడం వల్ల వర్షపు నీటి సంరక్షణకు దోహదపడటంతో పాటు పర్యావరణ పరిరక్షణకు కూడా తోడ్పాటు లభిస్తుందని వివరిస్తున్నారు.
మున్సిపల్ కమిషనర్ కె. రవీందర్ రెడ్డి ఆదేశాల మేరకు వార్డు ఆఫీసర్లు, బిల్ కలెక్టర్లు తమ పరిధిలోని కొత్త ఇందిరమ్మ ఇళ్ల నిర్మాణాలను పరిశీలిస్తూ, ప్రతి ఇంటిలో ఇంకుడు గుంత నిర్మాణం చేపట్టేలా ప్రత్యేక పర్యవేక్షణ నిర్వహించనున్నారు. ప్రజలకు నిరంతరం అవగాహన కల్పిస్తూ, నీటి సంరక్షణను ప్రతి ఒక్కరూ తమ బాధ్యతగా భావించేలా చర్యలు తీసుకుంటున్నారు.
