కట్టంగూర్ పూలస్వామికి ప్లాటినం ఐకాన్ అవార్డు న్యూఢిల్లీలో ఘనంగా సత్కారం

నల్లగొండ జిల్లా కట్టంగూర్ మండల కేంద్రానికి చెందిన ప్రముఖ గురుస్వామి, శ్రీ సాయి మణికంఠ దేవాలయ ధర్మకర్త వంగూరి లక్ష్మయ్య (పూల గురుస్వామి) జిల్లా ఉత్తమ గురుస్వామి ప్లాటినం ఐకాన్ అవార్డును అందుకున్నారు. న్యూఢిల్లీలోని తెలంగాణ భవన్ అంబేద్కర్ ఆడిటోరియంలో ఉజ్వల ఫౌండేషన్ ఆధ్వర్యంలో నిర్వహించిన కార్యక్రమంలో ఆయనను ఘనంగా సత్కరించారు.

గత కొన్ని దశాబ్దాలుగా అయ్యప్ప స్వామి తత్వ ప్రచారం, ఆధ్యాత్మిక సేవల్లో చేసిన కృషికి గుర్తింపుగా ఈ పురస్కారాన్ని ప్రదానం చేశారు. ఈ అవార్డును అందుకోవడంపై కట్టంగూర్ భక్తులు, గ్రామస్తులు హర్షం వ్యక్తం చేశారు. తన సేవలను గుర్తించి అవార్డు అందించిన నిర్వాహకులకు పూల గురుస్వామి కృతజ్ఞతలు తెలిపారు.