అనుభవానికి పట్టం కట్టండి... -60వ డివిజన్ పరిధిలో ఆదం సుధాకర్ రెడ్డి

ఎడ్యుకేషన్ స్టాఫ్ రిపోర్టర్ : 30 ఏళ్ల పాటు రాజకీయం అనుభవం కలిగిన తనను రాబోయే మున్సిపల్ కార్పొరేషన్ ఎన్నికలలో ఇండిపెండెంట్ అభ్యర్థిగా పోటీ చేస్తున్న తనకు కార్పొరేటర్ గా అవకాశం కల్పించాలని ఆదం సుధాకర్ రెడ్డి విజ్ఞప్తి చేశారు. ప్రచారంలో భాగంగా గురువారం 60వ డివిజన్ పరిధిలోని ప్రతి ఇంటికి వెళ్లి స్థానిక ప్రజలతో ఆప్యాయంగా పలకరిస్తూ వరుస నెంబర్ 3 గ్యాస్ స్టవ్ కు ఓటు వేసి గెలిపించాలని అభ్యర్థించారు. ఈ సందర్భంగా ఆయన మీడియాతో మాట్లాడుతూ గతంలో తిమ్మినాయుడు పాలెం సర్పంచిగా పనిచేసే ప్రజల ఆదర అభిమానం పొందానని, గతంలో పని చేసిన అనుభవంతో డివిజన్ ను మరింత అభివృద్ధి చేసేందుకు కృషి చేస్తానని హామీ ఇచ్చారు. మాటలు చెప్పడం కాదు చేతల్లో చేసి చూపిస్తాను అండగా నిలవాలని ఓటర్లను కోరారు. గత అనుభవంతో సుభాష్ నగర్ ప్రాంతంలో కాలువ సమస్యను గెలిచిన వెంటనే పరిష్కరిస్తానని హామీ ఇచ్చారు. రానున్న మున్సిపల్ కార్పొరేషన్ ఎన్నికలలో తనకు ఓటు వేసి గెలిపిస్తే మరింత అభివృద్ధికి దోహదపడతానని తెలిపారు. ఈ కార్యక్రమంలో స్థానికులు మిట్టపల్లి ముని కృష్ణారెడ్డి, ఆలత్తూరు మునికృష్ణారెడ్డి, భాస్కర్ రెడ్డి, ప్రకాష్ రెడ్డి, శివారెడ్డి, కేతన్ పురుషోత్తం, రెడ్డి, పూర్ణ ప్రసాద్, స్థానిక మహిళలు అధిక సంఖ్యలో పాల్గొన్నారు.

సీఎం గౌడ్ తిరుపతి స్టాప్ రిపోర్టర్