తిరుపతిలో కూటమి హవా - ప్రచారంలో దూసుకుపోతున్న మేయర్ అభ్యర్థి జేబీ శ్రీనివాస్

తిరుపతి, మేజర్ న్యూస్ :

తిరుపతి మున్సిపల్ కార్పొరేషన్ ఎన్నికల ప్రచారం చివరి దశకు చేరుకుంది. కూటమి మేయర్ అభ్యర్థి మన్యం శ్రీనివాస ప్రసాద్ @ జేబీ శ్రీనివాస్ ప్రచారం హోరెత్తుతోంది. కార్పొరేటర్ తో కలిసి  మేయర్ అభ్యర్థి ఇంటింటికీ తిరుగుతూ మెరుపు వేగంతో ప్రచారం నిర్వహిస్తున్నారు. నగరంలోని పలు డివిజన్లల రోడ్ షో లకు, పాదయాత్రలకు ప్రజల నుండి విశేష స్పందన లభించింది. ఈ సందర్భంగా జేబీ శ్రీనివాస్ మాట్లాడుతూ... ప్రచారం చివరి దశకు వచ్చింది కానీ ప్రజల్లో ఉత్సాహం మొదటి రోజులా ఉంది. తిరుపతి ప్రజలు ఒక నిర్ణయానికి వచ్చేశారు. ఈసారి కూటమికే పట్టం కట్టాలని. నేను తిరిగిన ప్రతి ఇంట్లో, ప్రతి షాపులో ఒకటే మాట వినిపిస్తోంది చెప్పాం చేస్తున్నాం చేస్తాం అని. గత వారం రోజులుగా నేను ప్రచారం చేయలేదు, ప్రజల కష్టాలు విన్నాను. మేయర్ అయిన వెంటనే అన్నింటిని పరిష్కారం చూపుతామన్నారు. కార్యక్రమంలో తిరుపతి ఎమ్మెల్యే ఆరణి శ్రీనివాసులు, యాదవ కార్పొరేషన్ ఛైర్మన్ నరసింహ యాదవ్, ప్రణిత్, మాజీ ఎమ్మెల్యే మోహన్, వూకా విజయ్ కుమార్, చిన్నంగారి రమణ పాల్గొన్నారు.
పలువురు టిడిపిలో చేరిక 
 

* వైసీపీ నాయకులు చింతా రమేష్ యాదవ్ వారి అనుచరులతో కలిసి తెలుగుదేశం పార్టీ తీర్ధం పుచ్చుకున్నారు. వారికి మేయర్ అభ్యర్థి జేబీ శ్రీనివాస్ పార్టీ కండువాలు కప్పి పార్టీలోకి ఆహ్వానించారు.

* తిరుపతి పట్నాలు వీధిలో ఉన్న కూరగాయల మార్కెట్ వ్యాపారులు  తెలుగుదేశం పార్టీ లోకి చేరారు. వీరికి పార్టీ నియోజకవర్గ ఇన్చార్జి, మేయర్ అభ్యర్థి జేబీ శ్రీనివాస్ పార్టీ కండువాలు కప్పి పార్టీలోకి ఆహ్వానించారు.

H. Dwaraka, staff porter,

9705347341

.