నిత్యవసర ధరలను నియంత్రించాలి-రేషన్ లో 14 రకాల సరుకులు ఇవ్వాలి..

సూర్య రాజన్న సిరిసిల్ల;; పెరుగుతున్న నిత్యవసర వస్తువుల ధరలను నియంత్రించి,బ్లాక్ మార్కెట్ ను అరికట్టాలని ఐద్వా రాష్ట్ర కార్యదర్శి మల్లు లక్ష్మి ప్రభుత్వాన్ని డిమాండ్ చేశారు.బుధవారం సిరిసిల్లలోని అమృత్ లాల్ శుక్ల కార్మిక భవనంలో ఐద్వా జిల్లా వర్క్ షాప్ నిర్వహించిన అనంతరం ధరల పెంపునకు వ్యతిరేకంగా నిరసన కార్యక్రమం చేపట్టారు. ఈ సందర్భంగా మల్లు లక్ష్మి మాట్లాడుతూ ఎల్ నినో ప్రభావంతో వర్షాలు తక్కువగా కురవడాన్ని ఆసరాగా చేసుకొని దళారులు నిత్యవసరాలను బ్లాక్ చేసి అధిక ధరలకు అమ్ముతున్నారని విమర్శించారు.రెండు నెలల క్రితం వరకు తక్కువగా ఉన్న బియ్యం ధర ఇప్పుడు క్వింటాలుకు రూ.12,000 కు చేరి సామాన్యులు రెండు పూటలా తినలేని పరిస్థితి నెలకొందన్నారు.ప్రభుత్వం వెంటనే స్పందించి దళారులపై చర్యలు తీసుకొని, రేషన్ దుకాణాల ద్వారా 14 రకాల నిత్యవసరాలను అందించాలని డిమాండ్ చేశారు.ఈ కార్యక్రమంలో జిల్లా కార్యదర్శి జవ్వాజి విమల,జిల్లా అధ్యక్షురాలు ఆడెపు రజిత,సీఐటీయూ నాయకురాలు సూరం పద్మ,ఐద్వా నాయకురాళ్లు గట్ల సప్న, లలిత,మాధవి తదితరులు పాల్గొన్నారు.