ఎన్నికల కేంద్రాలను తనిఖీ చేసిన కలెక్టర్ రామ్ సుందర్ రెడ్డి

బొబ్బిలి, అక్టోబర్ 28: మేజర్ న్యూస్:బొబ్బిలి పురపాలక సంఘ కార్యాలయంలో ఏర్పాటు చేసిన ఎన్నికల సౌకర్య కేంద్రాలను జిల్లా కలెక్టర్ ఎస్. రామ్ సుందర్ రెడ్డి బుధవారం తనిఖీ చేశారు. అనంతరం బొబ్బిలి పురపాలక కేంద్రాన్ని సందర్శించి ఓటింగ్ ఏర్పాట్లు పారదర్శకంగా జరగాలని ఎన్నికల అధికారి రామలక్ష్మికి సూచించారు. ఆయన వెంట బొబ్బిలి ఆర్డీవో రామ్మోహన్ ఉన్నారు.

* తుఫాను ప్రభావాన్ని పరిశీలించిన జిల్లా కలెక్టర్:ఆర్నాబ్ తుఫాను ప్రభావాన్ని జిల్లా కలెక్టర్ ఎస్. రామ్ సుందర్ రెడ్డి క్షేత్రస్థాయిలో పరిశీలించారు. పారాది వంతెన వద్ద నీటి ఉధృతిని, పెద్ద గెడ్డ, ఒట్టి గెడ్డలలో నీటి ప్రవాహాన్ని పరిశీలించారు. పెద్ద గెడ్డలో ప్రవాహం ప్రమాద స్థాయికి చేరలేదని, ఒట్టి గెడ్డలో ఉధృతి ఎక్కువగా ఉండటం వల్ల పారాది వద్ద నీటి వేగం పెరిగిందని ఆర్డీవో రామ్మోహన్ వివరించారు. ఎటువంటి ప్రమాదాలు జరగకుండా ముందస్తు చర్యలు తీసుకోవాలని, జలాశయాల నుండి నీటిని విడుదల చేసే ముందు దిగువ ప్రాంత ప్రజలకు ముందస్తు హెచ్చరికలు ఇవ్వాలని కలెక్టర్ అధికారులను ఆదేశించారు.