. ఆర్నాబ్ తుఫాన్ ప్రభావం..

గజపతినగరం ,అక్టోబర్ 28   (మేజర్ న్యూస్)

* 24 ఎకరాల వరి పంటకు నష్టం...
* కొన్నిచోట్ల నీట మునిగిన పంటలు..

ఆర్నబ్ తుఫాను ప్రభావం మండలంలో తీవ్ర ప్రభావం చూపకపోయిన, కొంతమేరకు పంటలకు నష్టం వాటిల్లింది. ప్రజలు ఇళ్లకే పరిమితిమయ్యారు. వీధులు, రోడ్లన్నీ, అలాగే గజపతినగరం పైడితల్లమ్మ గుడి సమీపంలో పంట పొలాలు జలమయం అయ్యాయి.  అయితే, ఈ తుఫాను తీవ్ర నష్టాన్ని తీసుకు రాకపోవడంతో ప్రజలు ఊపిరి పీల్చుకున్నారు. మండలంలో మొత్తముగా 24 ఎకరాల వరి పంట ముంపునకు గురికాగా, 12 ఎకరాలు వరి పూర్తిగా నేలకొరిగింది. బుధవారం మండలంలోని కాలంరాజుపేట, ఎం .కొత్తవలస, రామన్నపేట, చిట్టీయవలస, కొత్తబగ్గం  గ్రామాలలో వ్యవసాయ అధికారి పి. కిరణ్ కుమార్, ప్రధాన శాస్త్రవేత్తలు ఎం.వి. శ్రీనివాసరావు, 
కే.తేజశ్వరావు,సస్య రక్షణ శాస్త్రవేత్త స్వాతి ,డాట్ సెంటర్ కోర్డినేటర్సౌ జన్య రోయ్ పరిశీలించారు. నీటమునీగిన పంటలు విషయంలో తీసుకోవలసిన జాగ్రత్తలపై రైతులకు పలు సూచనలు చేశారు. అలాగే చెరువులకు ఎక్కడ గండ్లు పడకపోవడంతో రైతులు ఊపిరి పీల్చుకున్నారు. ధావాలపేటలో శిధిలావస్థలో ఉన్న ఓ పెంకుటిల్లు కూలిపోయింది.