పునరావాస కేంద్రాల ను పరిశీలించిన ఉన్నత అధికారులు

నెేటి దిన పత్రిక సూర్య బ్యూరో రాజమహేంద్రవరం  ఆర్నాబ్ తుఫాన్ నేపథ్యంలో కపిలేశ్వరపురంలోని పునరావాస కేంద్రాన్ని అడిషనల్ ఎస్పీ దేవరాజ్ పాటిల్, సబ్ కలెక్టర్ శుభం నోక్వాల్, జాయింట్ కలెక్టర్ మెగా స్వరూప్ సందర్శించి అక్కడి పరిస్థితులను పరిశీలించారు. తుఫాన్ ప్రభావంతో ఇబ్బందులు ఎదుర్కొంటున్న బాధితులకు ప్రభుత్వం కల్పిస్తున్న సౌకర్యాలను వారు సమీక్షించారు. పునరావాస కేంద్రంలో ఆశ్రయం పొందుతున్న ప్రజలతో మాట్లాడి వారి అవసరాలు, ఎదురవుతున్న ఇబ్బందులను అడిగి తెలుసుకున్నారు. బాధితులకు తాగునీరు, ఆహారం, వైద్య సదుపాయాలు తదితర అవసరమైన సౌకర్యాలు అందుతున్న తీరును పరిశీలించారు. తుఫాన్ ప్రభావం తగ్గే వరకు అధికారులు అప్రమత్తంగా ఉండాలని, ప్రజలకు ఎలాంటి ఇబ్బందులు కలగకుండా అవసరమైన సహాయక చర్యలు చేపట్టాలని సూచించారు.