మిర్యాలగూడలో కార్డన్ సెర్చ్ *106 బైకులు, 4 ఆటోలు, కారు స్వాధీనం

మిర్యాలగూడ, మేజర్ న్యూస్:
మిర్యాలగూడ పట్టణంలోని తాళ్లగడ్డ, రాంనగర్ ప్రాంతా లలో బుధవారం తెల్లవారు జాము నుండి ఉదయం 6:30గంటలవరకుసుమారు 2 గంటలపాటు మిర్యాల గూడ డీఎస్పీ జి. రవి పర్యవేక్షణలో పోలీసులు కార్డన్ సెర్చ్ నిర్వహించారు.
ఈ కార్యక్రమంలో పోలీస్ సబ్ డివిజన్ కు చెందిన ఐదుగురు ఇన్స్పెక్టర్లు, 12 మంది సబ్ ఇన్స్పెక్టర్లు, 21 మంది ఏఎస్ఐ, హెడ్ కానిస్టేబుల్స్, 66 మంది కానిస్టేబుల్స్, హోంగార్డులు, మహిళా కానిస్టేబుల్స్, హోంగార్డులు, 10 మంది స్పెషల్ పార్టీ సిబ్బంది మొత్తంగా 127 మంది పాల్గొన్నారు.సెర్చ్ లో సరైన ఆధారాలు లేని సుమారు 106 మోటార్ సైకిళ్లు, 4 ఆటోరిక్షాలు, ఒక కారును స్వాధీనం చేసుకున్నట్లు డీఎస్పీ తెలిపారు. వాహనదారులు తమ వాహన పత్రాలు సమర్పించి తీసుకునేందుకు వన్ టౌన్ పోలీస్ స్టేషన్ కు పిలిపించి డీఎస్పీ రవి కౌన్సెలింగ్ చేశారు.శాంతి భద్రతల పరిరక్షణ, దొంగతనాల నివారణకు,అపరిచితులను గుర్తించేందుకు కార్డన్ సెర్చ్ నిర్వహించినట్లు ఆయన తెలిపారు.ఈ కార్యక్రమంలో వన్, టూ టౌన్, రూరల్, హాలియా, నాగార్జునసాగర్ సర్కిల్ ఇన్స్పెక్టర్లు నాగభూషణం, సోమనర్సయ్య, ప్రసాద్, శ్రీనునాయక్, సతీష్ రెడ్డిలు పాల్గొన్నారు.