108 సిబ్బంది నిజాయితీ

గణపురం, మేజర్ న్యూస్, గణపురం మండల కేంద్రంలోని పోలీస్‌స్టేషన్‌ సమీపంలో బుధవారం రాత్రి జరిగిన రోడ్డు ప్రమాదంలో అప్పయ్యపల్లి గ్రామానికి చెందిన దానబోయిన రమేష్‌ తీవ్రంగా గాయపడ్డారు. సమాచారం అందుకున్న 108 సిబ్బంది అతడిని అంబులెన్స్‌లో భూపాలపల్లి జిల్లా ప్రధాన ఆసుపత్రికి తరలించారు.ఈ క్రమంలో రమేష్‌ వద్ద ఉన్న రూ.లక్ష నగదును 108 అత్యవసర వైద్య సాంకేతిక నిపుణుడు (ఈఎంటీ) బాలరాజు, అంబులెన్స్‌ పైలట్‌ రషీద్‌ భద్రంగా ఉంచి, రమేష్‌ కుమారుడు దానబోయిన రాజ్‌కుమార్‌కు కుటుంబ సభ్యుల సమక్షంలో అప్పగించారు. బాధ్యతతో వ్యవహరించి నగదును తిరిగి అందజేసిన 108 సిబ్బందిని బాధిత కుటుంబ సభ్యులు అభినందించారు.

రిపోర్టర్, ఎల్లయ్య, గణపురం, జయశంకర్ భూపాలపల్లి జిల్లా