తుఫాన్ వర్షాలకు పెద్దూరులో కూలిన ఇంటి స్లాబ్

గరుగుబిల్లి, సూర్య : తుఫాన్ వర్షాలు కారణంగా మండల పరిధిలోని పెద్దూరు గ్రామంలో స్లాబ్ ఇల్లు కొంత భాగం బుధవారం ఉదయం కూలింది.అయితే స్లాబ్ కూలిన సమయంలో ఇంట్లో ఉన్నవారు కొద్ది సమయం ముందు వంటింట్లోకి వెళ్లడంతో ప్రమాదం తప్పిందని ఊపిరి పీల్చుకున్నారు. బంగాళాఖాతంలో ఏర్పడిన అర్నబ్ తుఫాన్ కారణంగా కురుస్తున్న వర్షాలకు మండల పరిధిలోని పెద్దూరు గ్రామానికి చెందిన మర్రాపు శ్రీనివాసరావుకు చెందిన స్లాబ్ ఇల్లు కొంత భాగం కూలిపోయింది.ఇంటి స్లాబ్ కొంత భాగం కూలిపోవడంతో తోపాటు ప్రస్తుతం వర్షాలు కురుస్తుండడంతో ఇంటిలో నివాసం ఉండలేని పరిస్థితి ఏర్పడిందని శ్రీనివాసరావు తెలిపారు.ఈవిషయమును గ్రామ రెవెన్యూ అధికారితో పాటు సచివాలయం అధికారులకు తెలియజేయడం జరిగిందన్నారు.తుఫాన్ వర్షాలు కారణంగా తన ఇంటికి సంబంధించిన స్లాబ్ కొంత భాగం కూలిపోవడంతో ప్రస్తుతం నివాసం ఉండలేని పరిస్థితి ఏర్పడిందని ఈ మేరకు ప్రభుత్వం ఆర్థికంగా ఆదుకోవాలని శ్రీనివాసరావు కోరారు.

రిపోర్టర్ : శశి భూషణరావు, గరుగుబిల్లి, పార్వతిపురం మన్యం.