ఫ్యాన్ గుర్తుకు ఓటు.... సుపరి పాలనకు చోటు.

ముత్తుకూరు, మేజర్ న్యూస్ :   ఎంపిటిసి ఎన్నికల్లో ఫ్యాన్ గుర్తుకు ఓటు వేస్తే సుపరిపాలకు చోటు వస్తుందని బ్రహ్మదేవి వైఎస్ఆర్ కాంగ్రెస్ పార్టీ నాయకులు ఎన్నికల ప్రచారంలో ఓటర్లకు తెలియజేశారు. బ్రహ్మ దేవి ఎంపిటిసి స్థానాలకు పోటీ చేస్తున్న వైయస్సార్ కాంగ్రెస్ పార్టీ అభ్యర్థులు కట్టా సుబ్రహ్మణ్యం, బందెల స్రవంతి సంయుక్తంగా బుధవారం సాయంత్రం ఎన్నికలు ప్రచారాన్ని నిర్వహించారు. తమతోపాటు జడ్పిటిసి స్థానానికి పోటీ చేస్తున్న పరిమళకు కూడా ఫ్యాన్ గుర్తుపై ఓట్లు వేసి గెలిపించాలని ఇంటింటి ప్రచారంలో ప్రజలను కోరారు. ఈ ప్రచారానికి విశేషంగా స్పందన లభించింది. రాష్ట్ర మాజీ మంత్రి కాకాణి గోవర్ధన్ రెడ్డి, మండల పార్టీ అధ్యక్షుడు మెట్టా విష్ణువర్ధన్ రెడ్డి సహకారంతో పోటీ చేస్తున్న తమను ఆదరించి గెలిపించాలని ఓటర్లకు తెలియజేసుకున్నారు. ఈ కార్యక్రమంలో పార్టీ నాయకులు హేమంత్ రెడ్డి, మస్తాన్, వెంకటసుబ్బయ్య, బషీర్, జమీల్, సాయి, కార్యకర్తలు తదితరులు పాల్గొన్నారు