కరువు జాబితాలో నవాబుపేటకు చోటేది?

*--రేపటి మహా ధర్నాకు తరలిరండి.* 

 *--బీఆర్‌ఎస్‌ మండల అధ్యక్షులు మాడెమోని నరసింహులు*

నవాబుపేట సూర్య న్యూస్: రాష్ట్ర ప్రభుత్వం మంగళవారం ప్రకటించిన కరువు మండలాల జాబితాలో నవాబుపేట మండలానికి చోటు కల్పించకపోవడాన్ని నిరసిస్తూ(రేపు)గురువారం మండల కేంద్రంలోని తహసీల్దార్ కార్యాలయం ఎదుట మహా ధర్నా నిర్వహించనున్నట్లు బీఆర్‌ఎస్‌ మండల అధ్యక్షుడు మాడెమోని నరసింహులు పేర్కొన్నారు.బుధవారం నిర్వహించిన పత్రికా విలేకరుల సమావేశంలో ఆయన మాట్లాడుతూ..మండలంలో వర్షాభావ పరిస్థితులు నెలకొని రైతులు తీవ్ర ఇబ్బందులు ఎదుర్కొంటున్నారని.అయినప్పటికీ ప్రభుత్వం ప్రకటించిన కరువు మండలాల జాబితాలో నవాబుపేటకు చోటు కల్పించకపోవడం బాధాకరమన్నారు.ప్రభుత్వం వెంటనే స్పందించి నవాబుపేట మండలాన్ని కరువు మండలంగా ప్రకటించాలని డిమాండ్ చేశారు.లేనిపక్షంలో పెద్ద ఎత్తున నిరసన కార్యక్రమాలు చేపడతామని హెచ్చరించారు.రేపు నిర్వహించే మహా ధర్నాకు మండలవ్యాప్తంగా ఉన్న రైతులు,బీఆర్‌ఎస్‌ పార్టీ శ్రేణులు అధిక సంఖ్యలో తరలివచ్చి విజయవంతం చేయాలని ఆయన పిలుపునిచ్చారు.ఈ కార్యక్రమంలో మాజీ ఎంపీపీ శ్రీనివాస్,మాజీ ముడా డైరెక్టర్ గండు చెన్నయ్య,మాజీ సర్పంచ్ యాదయ్య,మెండే అంజయ్య,రాజు,నర్సింలు,నరసింహారెడ్డి తదితరులు పాల్గొన్నారు.