ఇంద్రవెల్లి ‘పాంచాజన్య సంకల్ప సభ’ను విజయవంతం చేయండి

సూర్య - మానకొండూర్ :ఈ నెల 30వ తేదీన ఆదిలాబాద్ జిల్లా ఇంద్రవెల్లి వేదికగా నిర్వహించ తలపెట్టిన ‘పాంచాజన్య సంకల్ప సభ’ భారీ బహిరంగ సభను విజయవంతం చేయాలని మానకొండూర్ నియోజకవర్గ ఇంచార్జి చెన్నమల్ల చైతన్య, మండల అధ్యక్షులు వేల్పుల సంపత్ యాదవ్ పిలుపునిచ్చారు. తెలంగాణ అజెండాను, పార్టీ భవిష్యత్తు కార్యాచరణను ప్రజల్లోకి బలంగా తీసుకెళ్లేందుకు ఈ సంకల్ప సభ అత్యంత ప్రతిష్టాత్మకమైనదని నాయకులు పేర్కొన్నారు. ఇంద్రవెల్లి సభ ద్వారా పార్టీ శ్రేణుల్లో సరికొత్త ఉత్సాహం నిండబోతోందని, ఇందుకోసం కార్యకర్తలందరూ సమన్వయంతో కదిలిరావాలని కోరారు. మానకొండూర్ నియోజకవర్గ పరిధిలోని ప్రతి గ్రామం, వార్డు నుండి పార్టీ ప్రజాప్రతినిధులు, ముఖ్య నాయకులు, అనుబంధ సంఘాల నాయకులు, పార్టీ సైనికులు భారీ సంఖ్యలో తరలివచ్చి సభను విజయవంతం చేయాలని పిలుపునిచ్చారు.