ఆరవ వార్డులో కూటమి అభ్యర్థులను గెలిపించండి అంటూ జోరుగా ఎన్నికల ప్రచారం

ఆత్మకూరు,  మేజర్ న్యూస్ :    ఆత్మకూరు మున్సిపాలిటీ పరిధిలోని ఆరో వార్డులో కూటమి ఎన్నికల ప్రచారం జోరుగా సాగుతోంది. మున్సిపల్ చైర్మన్ అభ్యర్థి డాక్టర్ బొమ్మిరెడ్డి షకీలా మేడం, ఆరో వార్డు కౌన్సిలర్ అభ్యర్థి కత్తి పద్మతో కలిసి ప్రచార కార్యక్రమంలో పాల్గొన్నారు. ఇంటింటికీ వెళ్లి ప్రజలను పలకరిస్తూ, కూటమి అభ్యర్థులకు మద్దతు తెలపాలని ఓటర్లను అభ్యర్థించారు.
సైకిల్ గుర్తుకే మన ఓటు అంటూ నాయకులు, కార్యకర్తలు ఉత్సాహంగా ప్రచారం నిర్వహించారు. ప్రజల సమస్యలను తెలుసుకుంటూ, వార్డు అభివృద్ధికి కృషి చేస్తామని అభ్యర్థులు ప్రజలకు విజ్ఞప్తి చేశారు. ప్రచార కార్యక్రమంలో కూటమి నాయకులు, కార్యకర్తలు పాల్గొన్నారు.