15వ వార్డులో హోరెత్తిన టీడీపీ ఎన్నికల ప్రచారం

ఆత్మకూరు, మేజర్ న్యూస్ :    ఆత్మకూరు పట్టణంలోని 15వ వార్డులో బుధవారం రాత్రి కూటమి ఆధ్వర్యంలో తెలుగుదేశం పార్టీ ఎన్నికల ప్రచారం ఉత్సాహంగా సాగింది. ప్రచార రథంపై నాయకులు వార్డులోని పలు ప్రాంతాల్లో పర్యటిస్తూ ఓటర్లను కలిశారు.  మున్సిపల్ చైర్‌పర్సన్‌ అభ్యర్థి డాక్టర్ బొమ్మిరెడ్డి షకీలా తనయుడు, యువ నాయకుడు బొమ్మిరెడ్డి తారక్‌నాథ్ రెడ్డి, 15వ వార్డు టీడీపీ అభ్యర్థి మొహిబుల్లా, నాయకుడు బషీర్, తెలుగు మహిళ నాయకురాలు చండ్రపాటి మంగమ్మ తదితరులు ప్రచారంలో పాల్గొన్నారు. ఈ సందర్భంగా స్థానికులు పెద్ద సంఖ్యలో పాల్గొని నాయకులకు స్వాగతం పలికారు.  ప్రచారంలో భాగంగా బొమ్మిరెడ్డి తారక్‌నాథ్ రెడ్డి మాట్లాడుతూ, మున్సిపల్ చైర్‌పర్సన్ అభ్యర్థి డాక్టర్ షకీలా, 15వ వార్డు కౌన్సిలర్ అభ్యర్థి మొహిబుల్లాకు ఓటు వేసి గెలిపించాలని ప్రజలను కోరారు. కూటమి అభ్యర్థుల విజయానికి పార్టీ శ్రేణులు సమష్టిగా కృషి చేయాలని పిలుపునిచ్చారు.  టీడీపీ నాయకులు, కార్యకర్తలు పాల్గొనడంతో 15వ వార్డులో ఎన్నికల ప్రచారం సందడిగా సాగింది.