అవినీతిని తరిమి కొట్టండి.. అభివృద్ధికి ఓటేయండి

పొదలకూరు, మేజర్ న్యూస్ :     నవంబర్ 5న జరగబోయే స్ధానిక సంస్థల ఎన్నికల్లో అవినీతిని తరిమికొట్టి అభివృద్ధికి ఓటేయ్యాలని పొదలకూరు జడ్పీటీసీ అభ్యర్ధి కలిచేటి ప్రభాకర్ రెడ్డి పిలుపు నిచ్చారు.ఈ సందర్భంగా యువ నాయకుడు డేగ యశ్వంత్ రెడ్డి ఆధ్వర్యంలో బుధవారం లింగంపల్లి గ్రామం,ఎస్సీకాలనీలో పొదలకూరు జడ్పిటిసి అభ్యర్ది కలిచేటి ప్రభాకర్ రెడ్డి, బిట్ - 4 ఎంపిటిసి అభ్యర్ధి తాటిబోయిన రమణమ్మలు ఎన్నికల ప్రచారం నిర్వహించారు.ఈ సందర్భంగా కూటమి అభ్యర్ధులు మాట్లాడుతూ కూటమి ప్రభుత్వం అధికారం చేపట్టాక సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి సారథ్యంలో పొదలకూరు మండలం‌ అభివృద్ధి పధంలో నడుస్తుందని‌ తెలిపారు. అవినీతికి చోటులేకుండా అహర్నిశలు అభివృద్ధి కోసం పాటుపడుతున్న టిడిపికి‌ ఓటువేసి గెలిపించాలని‌ కోరారు. అభివృద్ధికి‌ ఓటు వేయాలని‌ అవినితిని తరలిమి కొట్టాలని పేర్కొన్నారు.ఈ కార్యక్రమంలో పట్టణ అధ్యక్షుడు బొద్దులూరు మల్లికార్జున్ నాయుడు, సీనియర్ నాయకులు కోవూరు బక్కయ్య నాయుడు, రామలింగయ్య తదితరులు పాల్గొన్నారు.