పెద్దగట్టుకు రాష్ట్ర పండుగ హోదా.. అభివృద్ధికి రూ.100 కోట్ల ప్యాకేజీ ప్రకటించాలి:డా శివ ప్రసాద్ యాదవ్

యాదవుల ఆరాధ్య దైవం లింగమంతుల స్వామి కొలువైన పెద్దగట్టు జాతరకు రాష్ట్ర పండుగ హోదా కల్పించాలని సహస్ర ఫౌండేషన్‌ ఛైర్మన్‌ డా. చినుకని శివ ప్రసాద్‌ ప్రభుత్వాన్ని కోరారు. మేడారం జాతర తరహాలో పెద్దగట్టుకు రాష్ట్రస్థాయిలో ప్రత్యేక గుర్తింపు కల్పించడంతోపాటు, సమగ్ర అభివృద్ధికి రూ.100 కోట్ల ప్రత్యేక ప్యాకేజీ ప్రకటించాలని డిమాండ్‌ చేశారు.

పెద్దగట్టు జాతర యాదవుల ఆధ్యాత్మిక విశ్వాసానికి, తెలంగాణ సంప్రదాయాలకు ప్రతీకగా నిలుస్తోందని పేర్కొన్నారు. జాతరకు వచ్చే భక్తుల కోసం రహదారుల విస్తరణ, తాగునీరు, పారిశుధ్యం, పార్కింగ్‌, వైద్య సేవలు, విశ్రాంతి కేంద్రాలు ఏర్పాటు చేయాలని సూచించారు. పెద్దగట్టును ఆధ్యాత్మిక పర్యాటక కేంద్రంగా అభివృద్ధి చేస్తే స్థానిక యువతకు ఉపాధి అవకాశాలు పెరుగుతాయని తెలిపారు. రాష్ట్ర పండుగ హోదాతోపాటు ప్రత్యేక నిధులు కేటాయించి, శాశ్వత అభివృద్ధి పనులు చేపట్టాలని ప్రభుత్వానికి విజ్ఞప్తి చేశారు.