telangana
ఏసీబీ వలలో లీగల్‌ మెట్రాలజీ అధికారి!*
*-రూ.20 వేల లంచం తీసుకుంటూ పట్టుబడిన వెంకటేశ్వర్లు*
*యాదాద్రిభువనగిరి, ప్రతినిధి మేజర్ న్యూస్*
యాదాద్రి భువనగిరి జిల్లా కలెక్టరేట్‌లో ఏసీబీ అధికారులు మెరుపు దాడి నిర్వహించారు. లీగల్‌ మెట్రాలజీ జిల్లా అధికారి వెంకటేశ్వర్లు రూ.20 వేల లంచం తీసుకుంటూ ఏసీబీకి చిక్కారు. పెట్రోల్‌ బంకు అనుమతులకు సంబంధించి క్లియరెన్స్‌ కోసం వచ్చిన చింతల యాదగిరిని అధికారి లంచం డిమాండ్‌ చేసినట్లు ఆరోపణలు ఉన్నాయి. మొదటి విడతగా రూ.20 వేలు ఇవ్వాలని కోరడంతో బాధితుడు ఏసీబీ అధికారులను ఆశ్రయించారు. దీంతో పక్కా వ్యూహంతో రంగంలోకి దిగిన ఏసీబీ బృందం.. బాధితుడి నుంచి నగదు తీసుకుంటున్న సమయంలో వెంకటేశ్వర్లును రెడ్‌హ్యాండెడ్‌గా పట్టుకుంది. అనంతరం కలెక్టరేట్‌లోని ఆయన కార్యాలయంలో విచారణ చేపట్టింది.
