రోగులకు పండ్లు బ్రెడ్ పంపిణీ చేసిన సర్పంచ్ శాంతి కిషన్ నాయక్

బయ్యారం, మేజర్ న్యూస్, తెలంగాణ రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డి జన్మదినాన్ని పురస్కరించుకుని బయ్యారం మండల కేంద్రంలోని ప్రాథమిక ఆరోగ్య కేంద్రంలో రోగులకు పండ్లు,బ్రెడ్ పంపిణీ చేశారు. బయ్యారం మేజర్ గ్రామ పంచాయతీ సర్పంచ్ గుగులోత్ శాంతి కిషన్ నాయక్ ఆధ్వర్యంలో బుధవారం ఈ కార్యక్రమం నిర్వహించారు.ఈ సందర్భంగా ఆసుపత్రిలో చికిత్స పొందుతున్న రోగులకు పండ్లు, బ్రెడ్ అందజేసి, వారి ఆరోగ్య పరిస్థితిని అడిగి తెలుసుకున్నారు. రోగులకు అండగా నిలవాలనే ఉద్దేశంతో ఈ కార్యక్రమాన్ని చేపట్టినట్లు నిర్వాహకులు తెలిపారు.ఈ కార్యక్రమంలో కాంగ్రెస్ పార్టీ మాజీ అధ్యక్షుడు కంబాల ముసలయ్య, జిల్లా కిసాన్ సెల్ ప్రధాన కార్యదర్శి పెద్దినేని వెంకటేశ్వరరావు, కొత్తగూడెం మాజీ సర్పంచ్ చింత రమణమ్మ, తగిర సత్తిరెడ్డి, నందగిరి భద్రయ్య, వైద్యుడు డాక్టర్ విజయ్ కుమార్, ఫార్మసిస్ట్ రామ నర్సయ్య, స్టాఫ్ నర్స్ లత, పెద్ద బుజ్జి తదితరులు పాల్గొన్నారు.

రిపోర్టర్; స్వామి బయ్యారం మహబూబాద్ జిల్లా