విడుదల బాధితులను పరామర్శించిన ఎమ్మెల్యే వేగుళ్ళ

నేటి దినపత్రిక సూర్య బ్యూరో రాజమహేంద్రవరంఅర్నబ్ తుఫాన్ ప్రభావంతో కురుస్తున్న భారీ వర్షాల నేపథ్యంలో మండపేట పట్టణంలోని పలు వార్డులలో ఎమ్మెల్యే వేగుళ్ల జోగేశ్వరరావు విస్తృతంగా పర్యటించారు. మున్సిపల్, రెవెన్యూ అధికారులతో కలిసి క్షేత్రస్థాయి పరిస్థితులను స్వయంగా సమీక్షించి, రహదారుల మీద పడిన చెట్లను తొలగించి, మురుగునీరు సాఫీగా బయటకు వెళ్లేలా డ్రైనేజీ పూడికతీత పనులను వేగవంతం చేయాలని ఆదేశించారు. పట్టణ పర్యటన అనంతరం ఎమ్మెల్యే వేగుళ్ల ఏడిదలో ఏర్పాటు చేసిన పునరావాస కేంద్రాన్ని సందర్శించారు. అక్కడ ఆశ్రయం పొందుతున్న తుఫాన్ బాధితులను ఆప్యాయంగా పలకరించి, వారి యోగక్షేమాలను అడిగి తెలుసుకున్నారు. బాధితులకు స్వయంగా భోజన వసతి, త్రాగునీరు తదితర ఏర్పాట్లను పరిశీలించారు. ఈ సందర్భంగా ఎమ్మెల్యే మాట్లాడుతూ పునరావాస కేంద్రంలో ఉన్న ప్రజలకు ఎలాంటి అసౌకర్యం కలగకుండా అధికారులు అన్ని చర్యలు తీసుకోవాలని ఆదేశించారు. నాణ్యమైన ఆహారం, స్వచ్ఛమైన తాగునీటితో పాటు వైద్య శిబిరాలను నిర్వహించి ఎప్పటికప్పుడు ఆరోగ్య పరీక్షలు అందించాలని ఆదేశించారు. ప్రభుత్వం అన్ని విధాలా అండగా ఉంటుందని, ఎవరూ ఆందోళన చెందాల్సిన అవసరం లేదని భరోసా ఇచ్చారు. ఈ కార్యక్రమంలో కూటమి నాయకులు, కార్యకర్తలు అధికారులు పాల్గొన్నారు.