పాండ చెరువు కట్టపై సీసీ రోడ్డు పనులు ప్రారంభం మున్సిపల్ కౌన్సిలర్ గజవాడ నాగరాజు గుప్తా

రామాయంపేట ;రామాయంపేట మున్సిపాలిటీ పరిధిలోని పాండ చెరువు కట్ట వద్ద కళ్యాణ రామచంద్రస్వామి ఆలయ ప్రాంగణంలో సీసీ రోడ్డు పనులను మున్సిపల్ కౌన్సిలర్ గజవాడ నాగరాజు గుప్త ప్రారంభించారు. మెదక్ ఎమ్మెల్యే మైనంపల్లి రోహిత్‌రావు ఆదేశాల మేరకు, మున్సిపల్ పాలకవర్గం ఆధ్వర్యంలో ప్రజలకు ఇబ్బందులు కలగకుండా రోడ్డు సౌకర్యం మెరుగుపరిచేందుకు ఈ పనులు చేపట్టినట్లు ఆయన తెలిపారు.
ఈ సందర్భంగా గజవాడ నాగరాజు మాట్లాడుతూ పట్టణ అభివృద్ధికి ప్రాధాన్యతనిస్తూ ప్రజలకు అవసరమైన మౌలిక వసతుల కల్పనకు కృషి చేస్తున్నామని తెలిపారు. సీసీ రోడ్డు పనులను నాణ్యతా ప్రమాణాలతో త్వరితగతిన పూర్తి చేయాలని సంబంధిత సిబ్బందికి సూచించారు.
ఈకార్యక్రమంలో కాంగ్రెస్ పార్టీ జిల్లా కార్యదర్శి పోచమ్మ గణేష్, బిజెపి కౌన్సిలర్ శంకర్ గౌడ్, కాంగ్రెస్ పార్టీ పట్టణ మాజీ అధ్యక్షుడు డాకి స్వామి కళ్యాణ రామచంద్రస్వామి ఆలయ కమిటీ సభ్యులు మధునాల స్వామి గౌడ్ నవాత్ మహేష్ పటేల్ రాము నవాత్ నవీన్ సుధాకర్ ప్రభాకర్ శ్రీనివాస్ గోపి తో పాటుతదితరులు పాల్గొన్నారు.