పోలీసు అమరవీరుల త్యాగం చిరస్మరణీయం-సీఐ పవన్ కుమార్

మరిపెడ, మేజర్ న్యూస్, విధి నిర్వహణలో తమ ప్రాణాలనర్పించిన పోలీసు అమర వీరుల త్యాగం వృధా కాదని మరిపెడ సర్కిల్ ఇన్స్పెక్టర్ పవన్ కుమార్ తెలిపారు. మరిపెడ పట్టణ కేంద్రంలో పోలీసు అమరవీరుల సంస్మరణ వారోత్సవాల్లో భాగంగా కార్గిల్ సెంటర్ నుండి రాజీవ్ సెంటర్ వరకు భారీ సైకిల్ ర్యాలీ నిర్వహించి, అమర వీరులకు నివాళులర్పించారు.ఈ సందర్బంగా సీఐ మాట్లాడుతూ దేశ రక్షణలో, ప్రజా శాంతి భద్రతలో ప్రాణాలు కోల్పోయిన పోలీసు వీరుల సేవలు చిరస్మరణీయమని పేర్కొన్నారు.విధి నిర్వహణలో వారి త్యాగాలు నేటి తరానికి స్ఫూర్తిదాయకమన్నారు. వారి స్మరణతో నిరంతరం ప్రజలకు అండగా ఉంటామని, ప్రజలు సహకరించాలని కోరారు.అనంతరం రాజీవ్ సర్కిల్ లోని అమర జవాన్ ఉదయ్ విగ్రహానికి పూలమాలవేసి నివాళులర్పించారు. ఈ కార్యక్రమంలో ఎస్సైలు గాండ్రతి సతీష్, మహబూబీ, కుశ కుమార్, పోలీస్ సిబ్బంది పాల్గొన్నారు.

రిపోర్టర్; చందర్ ,మరిపెడ, మహబూబాద్ జిల్లా