తప్పుడు ధ్రువపత్రంతో భూమి విరాసత్‌.. కేసు నమోదు
నవాబుపేట సూర్య న్యూస్: తప్పుడు కుటుంబ సభ్యుల ధ్రువపత్రం సమర్పించి తల్లి పేరిట ఉన్న భూమిని తన పేరుపై విరాసత్‌ చేసుకున్న వ్యక్తిపై చీటింగ్‌,ఫోర్జరీ కేసు నమోదైనట్లు ఎస్సై నరేందర్ తెలిపారు.ఎస్సై నరేందర్ తెలిపిన వివరాల ప్రకారం..మండలంలోని కూచూరు గ్రామానికి చెందిన రామచంద్రయ్య గత జూన్‌ నెలలో తప్పుడు కుటుంబ సభ్యుల ధ్రువపత్రాన్ని నవాబుపేట తహసీల్దార్‌ కార్యాలయంలో సమర్పించాడు.దీంతో తన తల్లి మల్లమ్మ మరణానంతరం ఆమె పేరిట ఉన్న 8 ఎకరాల 34గుంటల భూమిని తన పేరుపై విరాసత్‌ చేసుకున్నాడు.ఈ విషయమై మృతురాలు మల్లమ్మ కుటుంబ సభ్యులు ఫిర్యాదు చేయడంతో తహసీల్దార్‌ సురేష్‌ విచారణ చేపట్టారు.విచారణలో రామచంద్రయ్య తప్పుడు కుటుంబ సభ్యుల ధ్రువపత్రం సమర్పించినట్లు గుర్తించడంతో ఆయన ఫిర్యాదు మేరకు కేసు నమోదు చేసినట్లు ఎస్సై వెల్లడించారు.కాగా,రామచంద్రయ్య నాగర్‌కర్నూల్‌ జిల్లా లింగాల పోలీస్‌ స్టేషన్‌లో కానిస్టేబుల్‌గా విధులు నిర్వహిస్తున్నట్లు సమాచారం.
