కొప్పర, కొండచాకరపల్లి గ్రామాల్లో మస్కిటో కిట్లు పంపిణీ చేసిన డాక్టర్ ప్రేమ్ కుమార్

వంగర, సూర్య : వంగర ప్రాథమిక ఆరోగ్య కేంద్రం వైద్యాధికారి డాక్టర్ ప్రేమ్ కుమార్ కొప్పర, కొండచాకరపల్లి గ్రామాల్లో వైద్య సిబ్బందితో బుధవారంపర్యటించి ప్రజలకు జ్వరాలు ఎటువంటి సమస్యలు ఉన్నాయని ప్రజల నుండిఅడిగి తెలుసుకున్నారు. ఈ సందర్భంగా ప్రజలకు దోమల బెడదనుండి రక్షణ కొరకు మస్కిటో, కిట్లను పంపిణీ చేశారు. ఆరోగ్య పరిరక్షణపై ప్రజలకు అవగాహన కల్పిస్తూ, వ్యక్తిగత పరిశుభ్రత పాటించాలని సూచించారు. ప్రజలు ఆరోగ్యంపై ప్రత్యేక శ్రద్ధ వహించాలని, వ్యాధుల పట్ల అప్రమత్తంగా ఉండాలని డాక్టర్ ప్రేమ్ కుమార్ తెలిపారు. గ్రామీణ ప్రాంతాల్లో ప్రజలకు మెరుగైన వైద్య సేవలు అందించేందుకు ఆరోగ్య సిబ్బంది ఎల్లప్పుడూ అందుబాటులో ఉంటారని ప్రజలకు ఎటువంటి సమస్య ఉన్న వెంటనే వైద్య సిబ్బందిని సంప్రదించాలని ఆయన అన్నారు. ఈ కార్యక్రమంలో ఆయనతోపాటు వైద్య సిబ్బంది పాల్గొన్నారు.

రిపోర్టర్ : దుర్గా ప్రసాద్, వంగర, విజయనగరం జిల్లా.