నారాయణరావుపేట పంచాయతీలో నిధుల దుర్వినియోగంపై రేపు విచారణ.

నారాయణరావుపేట పంచాయతీలో రేపు నిధుల దుర్వినియోగంపై విచారణ.

* 'సూర్య' పత్రిక కథనాలకు స్పందించిన అధికారులు.

దుమ్ముగూడెం సూర్య (మేజర్ న్యూస్)::

దుమ్ముగూడెం మండలంలోని నారాయణరావుపేట గ్రామ పంచాయతీలో జరిగిన నిధుల దుర్వినియోగం ఆర్థిక అక్రమాలపై ఉప సర్పంచ్,వార్డు సభ్యులు ఆరోపించగా'సూర్య' దినపత్రికలో ప్రచురితమైన వరుస కథనాలకు ఉన్నతాధికారులు ఎట్టకేలకు స్పందించారు.జిల్లా కలెక్టర్ ఆదేశాల మేరకు నేడు పంచాయతీ కార్యాలయంలో సమగ్ర విచారణ చేపట్టనున్నారు.పంచాయతీ నిధుల గోల్‌మాల్‌పై ఉపసర్పంచ్,వార్డు సభ్యులు ఇటీవల జిల్లా కలెక్టర్‌కు లిఖితపూర్వకంగా ఫిర్యాదు చేశారు.దీనిపై స్పందించిన జిల్లా పంచాయతీ అధికారి సూచనల మేరకు భద్రాచలం డివిజనల్ పంచాయతీ అధికారి నోటీసులు జారీ చేశారు.ఈ నోటీసు ప్రకారం.. రేపు ఉదయం 11 గంటలకు నారాయణరావుపేట పంచాయతీ కార్యాలయంలో జరగనున్న విచారణకు గ్రామ కార్యదర్శి,సర్పంచ్, ఉపసర్పంచ్ మొత్తం వార్డు సభ్యులు హాజరు కావాలని ఆదేశించారు.ఈ సందర్భంగా మండల పంచాయతీ అధికారి ఆధ్వర్యంలో జీపీ రికార్డులు,నిధుల వ్యయం,చేపట్టిన అభివృద్ధి పనుల ఆడిట్‌ను క్షుణ్ణంగా పరిశీలించనున్నారు.

దుమ్ముగూడెం సూర్య రిపోర్టర్.. కల్లూరి సుమన్.