ప్రశాంత ఎన్నికలే లక్ష్యం

గాజువాక, సూర్య : జీవీఎంసీ ఎన్నికలను ప్రశాంత వాతావరణంలో, ఎలాంటి అవాంఛనీయ ఘటనలకు తావులేకుండా నిర్వహించడమే లక్ష్యంగా నగర పోలీస్ కమిషనర్ శంఖబ్రత బాగ్చి ప్రత్యేక దృష్టి సారించారు. ఇందులో భాగంగా బుధవారం ఆయన గాజువాక బీహెచ్‌పీవీ, అగనంపూడిలో ఏర్పాటు చేసిన స్ట్రాంగ్ రూమ్‌లను స్వయంగా సందర్శించి, భద్రతా ఏర్పాట్లను ప్రత్యక్షంగా పర్యవేక్షించారు. అనంతరం సౌత్ సబ్ డివిజన్ పరిధిలోని అత్యంత సెన్సిటివ్ పోలింగ్ కేంద్రాలకు వెళ్లి, అక్కడి పరిస్థితులపై స్థానిక అధికారులతో సమీక్ష నిర్వహించారు. ఓటర్లు స్వేచ్ఛగా, నిర్భయంగా తమ ఓటు హక్కును వినియోగించుకునేలా పటిష్టమైన బందోబస్తు ఏర్పాటు చేయాలని అధికారులను ఆదేశించారు. పోలింగ్ సమయంలో ఎక్కడా ఎలాంటి లోటుపాట్లు లేకుండా సిబ్బంది అత్యంత అప్రమత్తంగా ఉంటూ ముందస్తు జాగ్రత్తలు తీసుకోవాలని ఆయన దిశానిర్దేశం చేశారు. ఈ పర్యటనలో డీసీపీ మేరీ ప్రశాంతి, సౌత్ సబ్ డివిజన్ ఏసీపీ వై. శ్రీనివాసరావు, గాజువాక సీఐ సీహెచ్. వాసునాయుడు తదితరులు పాల్గొన్నారు.

రిపోర్టర్ : కోటి రెడ్డి, గాజువాక, విశాఖపట్నం.