ఇంటి నుంచి వెళ్లి..తిరిగి రాని యువకుడు

నవాబుపేట సూర్య న్యూస్: మండలంలోని రుద్రారం గ్రామానికి చెందిన ఓ యువకుడు అదృశ్యమైన ఘటన చోటుచేసుకుంది.ఎస్సై నరేందర్ తెలిపిన వివరాల ప్రకారం..గ్రామానికి చెందిన ఈసూరి శ్రీకాంత్ (20)డ్రైవర్‌గా జీవనం సాగిస్తున్నాడు.ఈ నెల 11వ తేదీన సాయంత్రం ఇంటికి వచ్చిన శ్రీకాంత్,రాత్రి 9గంటల సమయంలో పని ఉందని కుటుంబ సభ్యులకు చెప్పి ఇంటి నుంచి బయటకు వెళ్లాడు.అప్పటి నుంచి తిరిగి ఇంటికి రాకపోవడంతో కుటుంబ సభ్యులు బంధువులు,స్నేహితులు,తెలిసినవారి వద్ద శ్రీకాంత్ గురించి ఆరా తీసినప్పటికీ ఆచూకీ లభించలేదు.దీంతో ఆదివారం శ్రీకాంత్ తండ్రి మల్లేష్ పోలీస్ స్టేషన్‌లో ఫిర్యాదు చేయగా,కేసు నమోదు చేసి దర్యాప్తు చేస్తున్నట్లు ఎస్సై నరేందర్ తెలిపారు.