028 నాటికి నెల్లూరు మోడల్ సిటీ: మంత్రి నారాయ
నెల్లూరు, కార్పొరేషన్, మేజర్ న్యూస్ : నెల్లూరులో ప్రభుత్వ విద్యారంగం రూపురేఖలు మారిపోతున్నాయి.. కార్పొరేట్ స్కూళ్లకు దీటుగా, అంతర్జాతీయ ప్రమాణాలతో ప్రభుత్వ పాఠశాలలను తీర్చిదిద్దే దిశగా మంత్రి నారాయణ వేగంగా అడుగులు వేస్తున్నారు. నెల్లూరు పరమేశ్వరి నగర్‌లో వక్ఫ్ బోర్డు స్థలంలో 20 కోట్ల సీఎస్ఆర్ నిధులతో నిర్మిస్తున్న అబ్దుల్ కలాం ఇంటర్నేషనల్ స్కూల్ పనులను మంత్రి నారాయణ, రాష్ట్ర వక్ఫ్ బోర్డు చైర్మన్ అబ్దుల్ అజీజ్‌తో కలిసి ఆదివారం పరిశీలించారు. ఈ సందర్భంగా మంత్రికి టీడీపీ నేతలు, స్థానికులు ఘన స్వాగతం పలికారు. వచ్చే విద్యాసంవత్సరంలోనే స్విమ్మింగ్ పూల్ వంటి అత్యాధునిక సదుపాయాలతో ఈ స్కూల్‌ను ప్రారంభిస్తామని మంత్రి ప్రకటించారు. ఇక 2028 చివరికల్లా నెల్లూరుని దేశంలోనే మోడల్ సిటీగా నిలబెడతామని మంత్రి నారాయణ తెలియజేశారు .. ఈ సందర్భంగా మంత్రి నారాయణ మాట్లాడుతూ యువనేత నారా లోకేష్ ఆలోచనలకు అనుగుణంగా, విఆర్సీ స్ఫూర్తితో దాతల సహకారంతో ఆర్ఎస్ఆర్, డీఎస్ఆర్ హైస్కూల్స్‌ను అద్భుతంగా తీర్చిదిద్దామని, ఒకదాన్ని మించి మరొకటి ఉండేలా ప్రణాళికలు సిద్ధం చేసి, తన కుమార్తె శరణికి ఆధునీకరణ పనుల పర్యవేక్షణ బాధ్యతలు అప్పగించానని తెలిపారు. వచ్చే
విద్యాసంవత్సరంలో స్విమ్మింగ్ పూల్‌తో సహా అంతర్జాతీయ ప్రమాణాలతో అబ్దుల్ కలాం ఇంటర్నేషనల్ స్కూల్‌ను ప్రారంభిస్తామని, కార్పొరేషన్ పరిధిలోని అన్ని ప్రభుత్వ హైస్కూల్స్‌ను ఇదే స్థాయిలో అభివృద్ధి చేస్తామని, తమది మాటల ప్రభుత్వం కాదు చేతల ప్రభుత్వమని, చెప్పిన దానికంటే ఎక్కువ అభివృద్ధి చేసి ఇచ్చిన హామీలన్నీ నెరవేరుస్తూ 2028 చివరికల్లా నెల్లూరుని దేశంలోనే మోడల్ సిటీగా నిలబెడతానని స్పష్టం చేశారు. మరోవైపు రాష్ట్ర వక్ఫ్ బోర్డు చైర్మన్ అబ్దుల్ అజీజ్ మాట్లాడుతూ, పేద పిల్లలకు విద్యను ఆస్తిగా ఇవ్వాలన్న సంకల్పంతో దేశంలో ఎక్కడా లేని విధంగా, నారాయణ విద్యాసంస్థల కంటే మిన్నగా ప్రభుత్వ స్కూల్స్ రూపురేఖలను మంత్రి నారాయణ మార్చేస్తున్నారని, నెల్లూరు సిటీని రాష్ట్రంలోనే ఆదర్శంగా తీర్చిదిద్దుతూ డిస్నీ వరల్డ్ తరహాలో ఎంటర్టైన్మెంట్‌కు కూడా ప్లాన్ చేస్తున్నారని కొనియాడారు. ఈ కార్యక్రమంలో మేయర్-ఎలెక్ట్ రూప్ కుమార్ యాదవ్, కార్పొరేటర్లు షేక్ షబానా బేగం, షేక్ కరీముల్లా, పఠాన్ ఎం.డి. జుబేర్ ఉద్దీన్ , షేక్ నజీమా, షేక్ షాహీనా, నాయకులు మైనుద్దీన్ భాయ్, జాఫర్ మరియు నౌషాద్, ముఖ్య నేతలు నాయకులు తదితరులు పాల్గొన్నారు
