జాతీయ పురస్కారం అందుకున్న జర్నలిస్ట్ సోమా కు అభినందనల పరంపర
ఆత్మకూరు, మేజర్ న్యూస్ : ఎం. వి. రావు ఫౌండేషన్ ద్వారా జాతీయ జర్నలిస్ట్ పురస్కారం అందుకున్న ఆత్మకూరుకు చెందిన సీనియర్ జర్నలిస్ట్, ఏ పి యూ డబ్ల్యూ జె జిల్లా ఉపాధ్యక్షుడు, జిల్లా అక్రిడేషన్ కమిటీ మెంబర్, ఎల్ ఆర్ పల్లి జెడ్పి హైస్కూల్ ఎగ్జిక్యూటివ్ కమిటీ చైర్మన్, శ్రీరామా నాట్యమండలి అధ్యక్షుడు సోమా వెంకటసుబ్బయ్య ను పలువురు అభినందించారు.జాతీయ పురస్కారం అందుకున్న సీనియర్ జర్నలిస్టు సోమా వెంకటసుబ్బయ్య కు హృదయపూర్వక అభినందనలు ఎపి రైతుసంఘ జిల్లా ఉపాధ్యక్షుడు లక్కు కృష్ణ ప్రసాద్ తెలిపారు.
ఆత్మకూరుకు చెందిన సీనియర్ జర్నలిస్టు, ఏపీయూడబ్ల్యూజే జిల్లా ఉపాధ్యక్షులు, జిల్లా అక్రిడేషన్ కమిటీ సభ్యులు సోమా వెంకటసుబ్బయ్య గారికి ఎం.వి. రావు ఫౌండేషన్ ఆధ్వర్యంలో జాతీయ ఉత్తమ జర్నలిస్టు పురస్కారం లభించడం ఎంతో సంతోషకరం, గర్వకారణం అన్నారు.
జర్నలిజం రంగంలో ఆయన అందిస్తున్న సేవలకు, ప్రజా సమస్యల పట్ల ఉన్న నిబద్ధతకు లభించిన ఈ గౌరవం మరిన్ని ఉన్నత శిఖరాలను అధిరోహించేందుకు స్ఫూర్తినివ్వాలని ఆకాంక్షిస్తున్నానన్నారు.
భవిష్యత్తులో మరిన్ని పురస్కారాలు అందుకుంటూ, ఆయురారోగ్యాలతో, ఆనందంగా, జర్నలిజం రంగంలో మరెన్నో విజయాలు సాధించాలని మనస్ఫూర్తిగా కోరుకుంటున్నానని,
సోదర సమానులైన సోమా వెంకటసుబ్బయ్యకు హృదయపూర్వక శుభాకాంక్షలు, అభినందనలు అని కృష్ణ ప్రసాద్ పేర్కొన్నారు. ఈ పురస్కారం అందుకున్న వెంకటసుబ్బయ్య కు ఆత్మకూరు ప్రాంత, జిల్లా వ్యాప్తంగా ఉన్న జర్నలిస్ట్ సంఘాల నాయకులు, ప్రతినిధులు, ప్రింట్, ఎలక్ట్రానిక్, యు ట్యూబ్, సోషల్ మీడియా జర్నలిస్తులు, శ్రీరామా నాట్యమండలి సభ్యులు, వివిధ ప్రజాసంఘాల, పార్టీల ప్రతినిధులు, బంధువులు, మిత్రులు అభినందనల పరంపర సాగించారు.
