అశ్వరావుపాలెంలో ఘనంగా అన్న సమారాధన

 

 

అవనిగడ్డ, మేజర్ న్యూస్: అవనిగడ్డ మండలం అశ్వరావుపాలెం గ్రామంలోని రామాలయంలో గత 42 రోజులుగా భక్తిశ్రద్ధలతో నిర్వహిస్తున్న హనుమాన్ చాలీసా సప్తసప్తాహాల ముగింపు సందర్భంగా ఆదివారం భారీ అన్న సమారాధన నిర్వహించారు. ఈ కార్యక్రమానికి గ్రామంతో పాటు పరిసర ప్రాంతాల నుంచి పెద్ద సంఖ్యలో భక్తులు తరలివచ్చారు. సుమారు నాలుగు వేల మందికి పైగా భక్తులు అన్న ప్రసాదాలను స్వీకరించారు. భక్తుల రాకతో ఆలయ ప్రాంగణం సందడిగా మారింది. 42 రోజుల పాటు నిర్వహించిన ఆధ్యాత్మిక కార్యక్రమాలు ముగియడంతో భక్తులు హర్షం వ్యక్తం చేశారు. భక్తులు కావలసిన ఏర్పాట్లను ఆలయ కమిటీ వారు పర్యవేక్షించారు.✍️ అజంతా శ్రీనివాస్, అవనిగడ్డ, కృష్ణాజిల్లా