గురుకులంలో ఇంటర్ విద్యార్థి అదృశ్యం...

భద్రాద్రి కొత్తగూడెం జిల్లా, అశ్వరావుపేట నియోజకవర్గం, అన్నపురెడ్డిపల్లి మండల కేంద్రంలోని సాంఘిక సంక్షేమ గురుకుల కళాశాలలో ఇంటర్ ఫస్టియర్ విద్యార్థి ఇనగంటి అఖిల్ అదృశ్యమైన ఘటన కలకలం రేపుతోంది.వివరాల్లోకి వెళ్తే, గురుకులంలో అఖిల్ బైపీసీ ఇంటర్ ఫస్టియర్ చదువుతున్నాడు. బుధవారం మధ్యాహ్నం నుండి గురుకులంలో కనబడటం లేదు. దీంతో తోటి విద్యార్థులు, సిబ్బంది ఆచూకీ కోసం వెతికినా ఫలితం లేకపోయింది.అయితే బుధవారం మిస్సయిన విద్యార్థి గురించి ప్రిన్సిపల్ ఆదివారం నాడు పోలీస్ స్టేషన్ లో ఫిర్యాదు చేయడం గమనార్హం. బుధవారం నుండి ఆదివారం వరకు ఫిర్యాదు చేయకపోవడంపై ప్రిన్సిపల్ పై పలు అనుమానాలు వ్యక్తం అవుతున్నాయి.ప్రిన్సిపల్ ఫిర్యాదు మేరకు స్థానిక సబ్ ఇన్స్పెక్టర్ విజయ్ సింహ రెడ్డి కేసు నమోదు చేసి విచారణ చేపట్టారు. విద్యార్థి ఆచూకీ కోసం పోలీసులు గాలింపు చేపట్టారు.

సూర్య మేజర్ న్యూస్/ అన్నపురెడ్డిపల్లి..