సీనియర్ జర్నలిస్ట్ "సోమా"కు జాతీయ పురస్కారం

ఆత్మకూరు, మేజర్ న్యూస్ :  ఆత్మకూరుకు చెందిన సీనియర్ జర్నలిస్టు, ఏ పి యూ డబ్ల్యూ జె జిల్లా ఉపాధ్యక్షుడు, జిల్లా అక్రిడేషన్ కమిటీ మెంబర్ సోమా వెంకటసుబ్బయ్యకు ఎంవి రావు ఫౌండేషన్ ఆధ్వర్యంలో జాతీయ పురస్కారం లభించింది. ఆదివారం కోట మండలం విద్యానగర్ లో ఎం వి రావు ఫౌండేషన్ ఆధ్వర్యంలో నిర్వహించిన జర్నలిస్టుల జాతీయ పురస్కారాల కార్యక్రమంలో భాగంగా వెంకటసుబ్బయ్యను ఉత్తమ జర్నలిస్టుగా ఎంపిక చేసి ఘనంగా సన్మానించి అవార్డును అందజేశారు. ఎం.వి రావు ఫౌండేషన్ అధ్యక్షుడు ఎం.లీలా మోహనకృష్ణ ఆధ్వర్యంలో అవార్డును బహూకరించారు. ఈ కార్యక్రమంలో కోట మండల విద్యాశాఖ అధికారి మస్తానయ్య, ఎన్.బి.కె.ఆర్ కాలేజ్ డైరెక్టర్ విజయకుమార్, ప్రముఖ విద్యాసంస్థల డైరెక్టర్ ఉషారాణి, సినీ కళాకారులు జబర్దస్త్ కళాకారులైన నవ్వుల మాస్టర్ దామోదర్, మరియు శ్రీనివాస్, పలువురు అధికారులు, ప్రముఖులు పాల్గొన్నారు. ప్రత్యేకంగా తాము వివిధ వర్గాలకు చెందిన ప్రతిభ గల వారిని గుర్తించి పురస్కారాలు అందజేస్తుంటామని ఎంవి రావు ఫౌండేషన్ అధ్యక్షుడు ఎం లీల మోహన్ కృష్ణ తెలిపారు. తనను గుర్తించి జాతీయ గౌరవ పురస్కారం అందజేసిన ఎన్విరావ్ ఫౌండేషన్ అధ్యక్షులు లీలా మోహన్ కృష్ణ, కార్యదర్శి విజయలక్ష్మి లకు వెంకటసుబ్బయ్య ధన్యవాదాలు తెలియజేశారు. ఈ కార్యక్రమంలో పలువురు జర్నలిస్టులు, ఉపాధ్యాయులు,వివిధ ప్రజా సంఘాల ప్రతినిధులు, విద్యాసంస్థల నిర్వాహకులు తదితరులు పాల్గొన్నారు.